சூப்பர் ஸ்டார் ரஜினிகாந்த் நடிப்பில் பா.ரஞ்சித் இயக்கிய 'காலா திரைப்படத்தின் இசை வெளியீடு வரும் 9ஆம் தேதி நடைபெறும் என்று இந்த படத்தின் தயாரிப்பாளர் தனுஷ் தனது டுவிட்டரில் அறிவித்திருந்தார் என்பதை ஏற்கனவே பார்த்தோம். இந்த நிலையில் இந்த இசை வெளியீட்டு விழா நடைபெறும் இடம் குறித்த தகவல் தற்போது வெளிவந்துள்ளது.

சென்னை நந்தனத்தில் உள்ள ஒய்.எம்.சி.ஏ மைதானத்தில் 'காலா' படத்தின் இசை வெளியீட்டு விழா நடைபெறும் என அதிகாரபூர்வமாக படக்குழுவினர் அறிவித்துள்ளனர். மேலும் இந்த இசை வெளியீட்டு விழா முன்னணி சமூக வலைத்தளங்களில் நேரடி ஒளிபரப்பு செய்யப்படும் என்றும் அறிவிக்கப்பட்டுள்ளதால் ரஜினி ரசிகர்கள் உற்சாகத்தில் உள்ளனர்.

இன்று இரவு சென்னை திரும்பும் ரஜினிகாந்த், 'காலா' இசை வெளியீட்டு விழாவில் கலந்து கொள்வார் என்றும், அன்றைய தினம் அவர் அனல் பறக்கும் அரசியல் குறித்து சில முக்கிய அறிவிப்புகளை வெளியிடவுள்ளார் என்றும் கூறப்படுகிறது