விஜய் சேதுபதி நடித்த சூப்பர்ஹிட் படத்தை இயக்கிய இயக்குனர் ஒருவர் மதுரை அரசு மருத்துவமனையில் படுக்கை வசதி இல்லாமல் அவதிப்படுவதாக டுவிட் ஒன்றை பதிவு செய்தை அடுத்து உடனடியாக அவருக்கு படுக்கை வசதி ஏற்பாடு செய்யப்பட்டதாக தகவல்கள் வெளிவந்துள்ளது

மக்கள் செல்வன் விஜய் சேதுபதி, ஐஸ்வர்யா ராஜேஷ் உள்பட பலர் நடித்த திரைப்படம் க/பெ ரணசிங்கம். இந்த படத்தின் இயக்குனர் விருமாண்டி நேற்று முன்தினம் தனது டுவிட்டரில் டுவிட் ஒன்றை பதிவு செய்தார். அதில் தற்போது மதுரை அரசு மருத்துவமனையில் இருக்கிறேன் என்றும், இங்கே சுமார் 30க்கும் மேற்பட்டோர் படுக்கை இல்லாமல் இருக்கிறோம் என்றும், உதவி பண்ணுங்க ஐயா என்று கோரிக்கை விடுத்து அந்த டுவிட்டை முதல்வர் ஸ்டாலின் அவர்களின் டுவிட்டர் பக்கத்திற்கு டேக் செய்தார்.

இதனையடுத்து அவருக்கு ஆக்சிஜனும் கூடிய படுக்கை ஏற்பாடு செய்யப்பட்டதாக தெரிகிறது. இது குறித்து அவர் மறுநாள் ட்விட்டரில் ’முதல்வர் ஐயா அவர்களுக்கு நன்றி. நேற்று இரவு ஆக்சிஜனுடன் கூடிய படுக்கை ஏற்பாடு செய்து தரப்பட்டது. மதுரை அரசு மருத்துவமனைக்கு நன்றி’ என்று தெரிவித்துள்ளார்.

முதல்வர் அவர்களுக்கு தற்போது மதுரை GH இல் இருக்கிறேன் ஐயா இங்கு சுமார் 30 க்கு மேற்பட்டோர்கள் bed இல்லாமல் இருக்கிறோம் உதவி பண்ணுங்கள் ஐயா @mkstalin pic.twitter.com/4beYGu9wY5

— virumandi (@pkvirumandi1) May 22, 2021

முதல்வர் ஐயா அவர்களுக்கு நன்றி நேற்று இரவு ஆக்ஸிஜன் கூடிய படுக்கை எற்பாடு செய்து தரப்பட்டது . மதுரை அரசு மருத்துவமனைக்கும் நன்றி @mkstalin

— virumandi (@pkvirumandi1) May 23, 2021