அஜீத்தின் 'காதல் கோட்டை' பாணியில் 'ககக போ' திரைப்படம்?
- IndiaGlitz, [Friday,September 11 2015]
இயக்குனர் பி.எஸ்.விஜய் என்பவர் இயக்கி வரும் 'ககக போ' என்ற படத்தில் சாக்ஷி அகர்வால் முக்கிய வேடத்தில் நடித்து வருகிறார். இந்த படத்தில் இடம்பெற்றுள்ள ஒரு பாடலில் சாக்ஷி அகர்வால், ஜான்சி ராணி, கிளியோபட்ரா உள்பட ஒன்பது வித்தியாசமான கெட்டப்புகளில் தோன்றுகிறார். இந்த பாடல் மலேசியா, பாண்டிச்சேரி, ஐதராபாத்தில் உள்ள ராமோஜிராவ் பிலிம்சிட்டி உள்பட பல இடங்களில் படமாக்கபட்டுள்ளது.
இந்நிலையில் சமீபத்தில் நடைபெற்ற இந்த படத்தின் கிளைமாக்ஸ் காட்சிகளின் படப்பிடிப்புடன் இந்த படத்தின் படப்பிடிப்பு முடிந்துவிட்டதாக கூறப்படுகிறது. கிளைமாக்ஸில் சாக்ஷி அகர்வால் வில்லனுடன் ஆக்ரோஷமாக மோதும் சண்டைக்காட்சிகளும் படமாக்கப்பட்டுள்ளது. அம்பத்தூர் எஸ்டேட் பகுதியில் நடந்த இந்த சண்டைக்காட்சிகளில் சாக்ஷி அகர்வால் தைரியமாக டூப் இன்றி நடித்த்தாக படக்குழுவினர் பாராட்டியுள்ளனர்.
மேலும் இந்த படத்தில் அஜீத்தின் 'காதல் கோட்டை' படம் போல, கிளைமாக்ஸில்தான் ஹீரோவை சாக்ஷி அகர்வால் சந்திக்கின்றாராம். கிளைமாக்ஸ் வரை அவர்கள் ஏன் சந்திக்கவில்லை, அதுவரை அவர்களின் தொடர்பு எப்படி இருந்தது என்பதைத்தான் நகைச்சுவையுடனும் சுவாரஸியமாகவும் கூறுவதுதான் இந்த படத்தின் திரைக்கதை என கூறப்படுகிறது.