తార‌క్‌పై ద‌ర్శ‌కేంద్రుడి ప్ర‌శంస‌ల జ‌ల్లు
- IndiaGlitz, [Friday,September 22 2017]
యంగ్‌టైగ‌ర్ ఎన్టీఆర్ త్రిపాత్రాభిన‌యం చేసిన చిత్రం జై ల‌వ‌కుశ. నిన్న ప్రేక్షకుల ముందుకొచ్చిన ఈ సినిమాకి మిక్స్ డ్ టాక్ వ‌చ్చింది. అయితే జై పాత్ర‌లో ఎన్టీఆర్ అద‌ర‌గొట్టాడంటూ అభిమానులు, ప్రేక్ష‌కులే కాకుండా విమ‌ర్శ‌కులు సైతం ప్ర‌శంసించారు. అంతేకాదు రాజ‌మౌళి లాంటి అగ్ర ద‌ర్శ‌కుడు సైతం.. జై పాత్ర‌లో ఎన్టీఆర్‌ని చూసి నా హృదయం గ‌ర్వంతో ఉప్పొంగింది. మాట‌లు రావ‌డం లేదు. జై జై జైల‌వ‌కుశ అని ట్వీట్ చేసిన సంగ‌తి తెలిసిందే.
ఇప్పుడు ఈ ఖాతాలో మ‌రో అగ్ర ద‌ర్శ‌కుడు చేరారు. ఆయ‌న మ‌రెవ‌రో కాదు ద‌ర్శ‌కేంద్రుడు కె.రాఘ‌వేంద్ర‌రావు. నటన అనేది మనిషి అయితే దానికి ప్రాణం మా జూనియర్ తారక రాముడు. జై లవ కుశ లో అమోఘం. జై ఒక అద్భుతం. ఇంకెన్నో శిఖరాలని అందుకోవాలని కోరుకుంటున్నాను అంటూ ఆయ‌న ట్విట్ట‌ర్‌లో స్పందించారు.