நடிகர் சங்க தேர்தல் வரும் 23ஆம் தேதி சென்னையில் உள்ள கல்லூரி ஒன்றில் நீதிபதி பத்னாபன் அவர்களின் மேற்பார்வையில் நடைபெறவுள்ளது. இந்த தேர்தலில் போட்டியிட நாளை முதல் வேட்புமனு தாக்கலாக உள்ளது

இந்த நிலையில் இந்த தேர்தலில் விஷாலின் பாண்டவர் அணியில் இருந்து மீண்டும் தலைவர் பதவிக்கு நாசர், பொதுச்செயலாளர் பதவிக்கு விஷால் மற்றும் பொருளாளர் பதவிக்கு கார்த்தி உள்பட ஏற்கனவே பதவியில் இருக்கும் நிர்வாகிகள் போட்டியிடவுள்ளனர்.

இந்த நிலையில் பாண்டவர் அணிக்கு எதிராக ஐசரி கணேஷ் தலைமையில் வலுவான அணி ஒன்று உருவாகியுள்ளது. இந்த அணியில் இருந்து தலைவர் பதவிக்கு நடிகரும் இயக்குனருமான கே.பாக்யராஜ் போட்டியிடவுள்ளார். அதேபோல் விஷாலை எதிர்த்து பொதுச்செயலாளர் பதவிக்கு ஐசரி கணேஷ் போட்டியிடவுள்ளதாகவும், துணைத் தலைவர்கள் பதவிக்கு குட்டி பத்மினி, நடிகர் உதயா ஆகியோர் போட்டியிடவுள்ளதாகவும் செய்திகள் வெளிவந்துள்ளது