கே.பாலசந்தரின் மனைவி ராஜம் காலமானார்.
- IndiaGlitz, [Monday,November 26 2018]
கமல்ஹாசன், ரஜினிகாந்த் ஆகிய இருவரின் குருநாதர் மற்றும் இயக்குனர் சிகரமுமான கே.பாலசந்தர் கடந்த 2014ஆம் ஆண்டு டிசம்பர் மாதம் 23ஆம் மரணம் அடைந்தார். இந்த நிலையில் இயக்குநர் கே.பாலசந்தரின் மனைவி ராஜம் அவர்கள் இன்று அதிகாலை சென்னையில் காலமானார். அவருக்கு வயது 82.
கடந்த சில நாட்களாக உடல்நலமின்றி சிகிச்சை பெற்று வந்த ராஜம் அவர்கள், சிகிச்சையின் பலனின்றி இன்று காலமானதாக அறிவிக்கப்பட்டுள்ளது. பாலசந்தர்-ராஜம் தம்பதிக்கு புஷ்பா கந்தசாமி, பிரசன்னா பாலசந்தர், கைலாசம் பாலசந்தர் ஆகிய வாரிசுகள் உள்ளனர்.
மறைந்த ராஜம் அவர்களின் இறுதி சடங்கு இன்று மதியம் 3 மணிக்கு மேல் சென்னையில் நடைபெறவுள்ளதாக அறிவிக்கப்பட்டுள்ளது. ராஜம் அவர்களின் மறைவிற்கு கோலிவுட் திரையுலகினர் இரங்கல் தெரிவித்து வருகின்றனர்.