பொதுவாக ஒரு திரைப்படம் தியேட்டரில் வெளியாகி குறைந்தது ஒருசில மாதங்கள் கழித்து தான் டிவியில் ஒளிபரப்புவது வழக்கம். ஆனால் ஜோதிகாவின் 'மகளிர் மட்டும்' திரைப்படம் தற்போது “மாயா வர்ணங்கள்” என்ற பெயரில் மலையாளத்தில் டப் செய்யப்பட்டுள்ளது. ஆனால் இந்த படம் கேரளாவில் இன்னும் வெளியாகாத நிலையில் 'மகளிர் மட்டும்' திரைப்படம் தமிழில் தனியார் தொலைக்காட்சி ஒன்றில் இன்று ஒளிபரப்பாக உள்ளது.

பல தமிழ்ப்படங்கள் நேரடியாக மலையாள சேனல்களில் தமிழில் ஒளிபரப்பியுள்ள போதிலும், ஒரு படத்தின் டப்பிங் படம் உருவாகி அந்த படம் வெளிவருவதற்குள் டிவியில் வெளியாகும் முதல் படம் இதுதான் என்பது குறிப்பிடத்தக்கது

தேசிய விருது பெற்ற இயக்குநர் பிரம்மா இயக்கியுள்ள இந்த படத்தில் ஜோதிகா, ஊர்வசி, பானுப்ரியா, சரண்யா, நாசர் உள்பட பலர் நடித்துள்ளனர். 2D எண்டர்டெயின்மெண்ட் நிறுவனம் தயாரித்துள்ள இந்த படத்திற்கு ஜிப்ரான் இசையமைத்துள்ளார். இந்த படம் கடந்த ஆண்டு செப்டம்பர் மாதம் தமிழில் வெளியானது என்பது குறிப்பிடத்தக்கது.