இன்று முதல் ஜோதிகாவுக்கு 20 நாட்கள் டிரெயினிங் ஆரம்பம்!!
- IndiaGlitz, [Friday,July 08 2016]
தமிழ் சினிமாவின் பிரபல நடிகையும் சூர்யாவின் மனைவியுமான ஜோதிகா கடந்த ஆண்டு '36 வயதினிலே' படத்தின் மூலம் ரீஎண்ட்ரி ஆகி ரசிகர்களின் மாபெரும் வரவேற்பை பெற்ற நிலையில் நல்ல கதை கிடைத்தால் தொடர்ந்து நடிப்பதாகவும் கூறியிருந்தார்.
இந்நிலையில் 'குற்றம் கடிதல்' படத்தை இயக்கிய பிரம்மா இயக்கத்தில் ஒரு படத்தில் நடிக்க ஜோதிகா ஒப்பந்தம் செய்யப்பட்டிருந்தார் என்பதை கடந்த சில நாட்களுக்கு முன் பார்த்தோம். தற்போது இந்த படத்தின் படப்பிடிப்பு விரைவில் தொடங்கவுள்ளது.
படப்பிடிப்பு தொடங்கும் முன்னர் படக்குழுவினர் அனைவரும் ஒத்திகை பார்க்க முடிவு செய்துள்ளனர். இன்று முதல் 20 நாட்கள் இந்த ஒத்திகை நடைபெறவுள்ளதாகவும் அதன்பின்னர் அடுத்த மாதம் படப்பிடிப்பு தொடங்கவுள்ளதாகவும் செய்திகள் வெளிவந்துள்ளது. இந்த ஒத்திகையில் ஜோதிகா உள்பட படக்குழுவினர் பலரும் கலந்து கொள்ளவுள்ளனர்.