அன்று உங்கள் போஸ்டர் என் பெட்ரூமில்.. இன்று உங்கள் படத்தின் தயாரிப்பாளர்.. ஜோதிகா பெருமிதம்
- IndiaGlitz, [Friday,July 12 2024]
பிரபல நடிகரின் படத்தை ஜோதிகா தயாரித்து உள்ள நிலையில் ’என்னுடைய இளமைக் காலத்தில் உங்களுடைய போஸ்டரை என்னுடைய பெட்ரூமில் வைத்திருக்கும் ரசிகையாக இருந்தேன், இன்று உங்கள் படத்தை தயாரிக்கும் அளவுக்கு அதிர்ஷ்டசாலி ஆகி உள்ளேன்’ என்று பதிவு செய்துள்ளார்.
சூர்யா மற்றும் ஜோதிகாவின் 2டி என்டர்டெயின்மென்ட் நிறுவனத்தின் தயாரிப்பில் உருவாகியுள்ள ’சர்ஃபைரா’ திரைப்படம் இன்று வெளியாகி உள்ள நிலையில் இந்த படத்தின் தயாரிப்பாளரான ஜோதிகா தனது சமூக வலைதளத்தில் அக்ஷய் குமாருக்கு வாழ்த்து தெரிவித்துள்ளார்..
நீங்கள் மிகவும் அருமையாக நடித்த ஒரு படத்தின் வெற்றிக்காக நான் வாழ்த்துகிறேன். முன்பு ஒருநாள் உங்களுடைய போஸ்டரை என்னுடைய பெட்ரூம் வைக்கும் அளவுக்கு உங்களுடைய ரசிகையாக இருந்தேன், இன்று உங்களுடைய 150வது படத்தை தயாரிக்கும் தயாரிப்பாளராக எனக்கு மிகவும் மகிழ்ச்சி’ என்று தெரிவித்துள்ளார்.
மேலும் அக்ஷய் குமார் உடன் இணைந்து எடுத்த புகைப்படத்தையும் அவர் தனது இன்ஸ்டாவில் பதிவு செய்துள்ள நிலையில் அந்த புகைப்படம் தற்போது இணையத்தில் வைரலாக வருகிறது.
சூர்யா நடிப்பில், சுதா கொங்கரா இயக்கத்தில் உருவான ’சூரரை போற்று திரைப்படத்தின் ஹிந்தி ரீமேக் திரைப்படமான ’சர்ஃபைரா’ இன்று உலகம் முழுவதும் வெளியாகிருக்கும் நிலையில் இந்த படத்திற்கு பாசிட்டி விமர்சனங்கள் குவிந்து கொண்டிருக்கிறது என்பது குறிப்பிடத்தக்கது.