ஒவ்வொரு வாரமும் ஓடிடியில் புதிய திரைப்படங்கள் ரிலீஸ் ஆகி வரும் நிலையில் இந்த வாரம் ஜோதிகாவின் படம் உள்பட என்னென்ன படங்கள் வெளியாக உள்ளன என்பதை பார்ப்போம்.

ஜோதிகா நடித்த பாலிவுட் திரைப்படமான ’சைத்தான்’ என்ற திரைப்படம் கடந்த மார்ச் மாதம் வெளியான நிலையில் இந்த படம் மிகப்பெரிய வெற்றி பெற்றது என்றும் ரூ.200 கோடிக்கும் அதிகமாக வசூல் செய்தது என்பது தெரிந்தது. இந்த நிலையில் இந்த படம் நெட்பிளிக்ஸ் ஓடிடியில் இன்று முதல் வெளியாகிறது என்பது ரசிகர்களுக்கு மகிழ்ச்சியான செய்தியாகும்.

அதேபோல் இந்த வாரம் தமிழ் ரசிகர்களுக்கு ஏமாற்றம் தான் என்பதும் 'கார்டியன்’ என்ற ஒரே ஒரு தமிழ் திரைப்படம் மட்டுமே சிம்ப்ளி சவுத் எந்த ஓடிடியில் வெளியாகிறது என்பது குறிப்பிடத்தக்கது. ஹன்சிகா மற்றும் சுரேஷ் மேனன் முக்கிய வேடத்தில் நடித்த இந்த படத்தை சபரி இயக்கி இருந்தார் என்பதும் கடந்த மார்ச் மாதம் இந்த படம் வெளியானது என்பது குறிப்பிடத்தக்கது

இதையடுத்து மற்ற மொழி திரைப்படங்கள் என்னென்ன என்பதை தற்போது பார்ப்போம். ஆஹா ஓடிடியில் 'சித்தார்த்ராய்’ என்ற தெலுங்கு படமும், சைனா பிளே ஓடிடியில் ‘போகா’ என்ற மலையாள படமும், ஆஹா ஓடிடியில் ‘ஹேப்பி எண்டிங்’என்ற தெலுங்கு படமும் இன்று வெளியாகிறது.

மேலும் நெட்பிளிக்ஸ் ஓடிடியில் ‘அகெல்லி’ என்ற இந்தி படமும், மனிஷா கொய்ராலா, சோனாக்‌ஷி சின்ஹா நடித்த ‘ஹீராமாண்டி’ என்ற இந்தி படமும் இன்று வெளியாகிறது.