ஜோதிகா நடித்துள்ள 'மகளிர் மட்டும்' திரைப்படம் வரும் 15ஆம் தேதி வெளியாகவுள்ளது. இந்த படத்திற்கு நல்ல எதிர்பார்ப்பு ஏற்பட்டுள்ளதால் ஒப்பனிங்  வசூல் பிரம்மாதமாக இருக்கும் என்று எதிர்பார்க்கப்படுகிறது.

இந்த நிலையில் 'காற்று வெளியிடை' படத்திற்கு பின்னர் மணிரத்னம் இயக்கவுள்ள அடுத்த படத்தில் ஜோதிகா நடிக்க ஒப்பந்தமாகியுள்ளதாக ஒரு ஆச்சரியமான செய்தி வெளியாகியுள்ளது. ஏற்கனவே கடந்த 2001ஆம் ஆண்டு மணிரத்னம் தயாரித்த 'டும் டும் டும்' படத்தில் ஜோதிகா நடித்துள்ளார் என்பது குறிப்பிடத்தக்கது.

மணிரத்னம் இயக்கும் அடுத்த படத்தில் விஜய்சேதுபதி, துல்கர் சல்மான் உள்பட நான்கு ஹீரோக்கள் நடிக்கவுள்ளதாகவும், இந்த படத்தில் பாலிவுட்டின் பிரபல நடிகர் சயீப் அலிகான் மகள் சாரா அலிகான் நாயகியாக நடிக்கவுள்ளதாகவும் வெளிவந்த செய்தியை ஏற்கனவே பார்த்தோம். இந்த நிலையில் தற்போது இந்த படத்தில் ஜோதிகாவும் இணைந்துள்ளதால் படத்தின் எதிர்பார்ப்பு பலமடங்கு உயர்ந்துள்ளது.