ஜோதிகா நடித்த 'ராட்சசி' திரைப்படம் யூ சான்றிதழ் பெற்று நாளை மறுநாள் அதாவது ஜூலை 5ஆம் தேதி வெளியாகவுள்ளது. இந்த படத்தின் புரமோஷன் அபாரமாக இருப்பதால் நல்ல ஓப்பனிங் வசூலை இந்த படம் பெறும் என எதிர்பார்க்கப்படுகிறது

இந்த நிலையில் ஜோதிகா நடித்து வரும் இன்னொரு திரைப்படமான 'ஜாக்பாட்' என்ற திரைப்படத்தின் படப்பிடிப்பு மற்றும் போஸ்ட் புரடொக்சன்ஸ் பணிகள் சமீபத்தில் நிறைவு பெற்றது என்பதை ஏற்கனவே பார்த்தோம். தற்போது இந்த படத்தின் சென்சார் பணிகளும் முடிந்துவிட்டது

ஆம், 'ஜாக்பாட்' படத்தை இன்று பார்த்த சென்சார் அதிகாரிகள் இந்த படத்திற்கு 'யூ' சான்றிதழ் அளித்துள்ளனர். இதனையடுத்து இந்த படத்தின் அதிகாரபூர்வ ரிலீஸ் தேதி விரைவில் அறிவிக்கப்படவுள்ளது

'நாச்சியார்' படத்திற்கு பின்னர் மீண்டும் போலீஸ் கேரக்டரில் ஜோதிகா நடித்துள்ள இந்த படத்தில் ரேவதி, யோகிபாபு, மன்சூர் அலிகான், ஆனந்த்ராஜ் உள்பட பலர் நடித்துள்ளனர். சூர்யாவின் 2D எண்டர்டெயின்மெண்ட் நிறுவனம் தயாரித்துள்ள இந்த படத்தை கல்யாண் இயக்கியுள்ளார். இந்த படம் அனந்தகுமார் ஒளிப்பதிவில் விஷால் சந்திரசேகர் இசையில் உருவாகியுள்ளது.