மணிரத்னம் இயக்கத்தில் அரவிந்தசாமி, சிம்பு, விஜய்சேதுபதி, அருண்விஜய் என மல்டி ஸ்டார்கள் ஒரே படத்தில் நடித்த படம் 'செக்க சிவந்த வானம்'. இந்த ஆண்டின் பெரும் எதிர்பார்ப்புக்குரிய இந்த படம் அடுத்த மாத இறுதியில் வெளியாகவுள்ளது.

இந்த நிலையில் கடந்த சில நாட்களாக இந்த படத்தின் புரமோஷன்கள் விறுவிறுப்பாக நடைபெற்று வருகிறது. குறிப்பாக இந்த படத்தின் ஒவ்வொரு கேரக்டர் பெயர்களும், ஒவ்வொரு நடிகருக்கும் ஜோடியாக நடிக்கும் நடிகைகள் குறித்த தகவலும் வெளிவந்தது. இதன்படி அரவிந்தசாமிக்கு ஜோடியாக ஜோதிகாவும், சிம்புவுக்கு ஜோடியாக டயானாவும், அருண்விஜய்க்கு ஜோடியாக ஐஸ்வர்யா ராஜேஷும் நடித்துள்ளதாக விளம்பர போஸ்டர்கள் வெளியானது.

இந்த நிலையில் தற்போது அரவிந்தசாமிக்கு அதிதிராவ் ஹைதியும் ஜோடியாக நடித்துள்ளது தெரியவந்துள்ளது. வரதன் மற்றும் பார்வதி கேரக்டர்கள் அரவிந்தசாமி, அதிதிராவ் நடித்துள்ளதாக புதிய போஸ்டர் ஒன்று வெளிவந்துள்ளதால் அரவிந்தசாமிக்கு ஜோடியாக இரண்டு நாயகிகள் நடித்துள்ளனர் என்பது தெரிய வருகிறது.

ஆஸ்கார் நாயகன் ஏ.ஆர்.ரஹ்மான் இசையில் லைகா நிறுவனத்தின் பிரமாண்டமான தயாரிப்பில் சந்தோஷ் சிவனின் சொக்க வைக்கும் ஒளிப்பதிவில் இந்த படம் உருவாகியுள்ளது என்பது குறிப்பிடத்தக்கது.