செக்க சிவந்த வானம்: ஜோதிகாவின் கேரக்டர் அறிவிப்பு
- IndiaGlitz, [Thursday,August 16 2018]
பிரபல இயக்குனர் மணிரத்னம் இயக்கியுள்ள 'செக்க சிவந்த வானம்' படத்தில் நடித்த பிரபல நடிகர்களின் கேரக்டர்கள் மற்றும் ஃபர்ஸ்ட்லுக் குறித்த அறிவிப்புகள் கடந்த மூன்று நாட்களாக வெளியாகி வருகிறது.
இதில் அரவிந்தசாமி, 'வரதன்' என்ற கேரக்டரிலும், அருண்விஜய் 'தியாகு' என்ற கேரக்டரிலும், விஜய்சேதுபதி 'ரசூல்' என்ற கேரக்டரிலும் நடித்து வருகிறார் என்பது தெரிந்ததே. இந்த நிலையில் சற்றுமுன் இந்த படத்தில் முக்கிய வேடத்தில் நடித்துள்ள ஜோதிகாவின் கேரக்டர் மற்றும் ஃபர்ஸ்ட்லுக் வெளியாகியுள்ளது. ஜோதிகா இந்த படத்தில் 'சுமதி' என்ற கேரக்டரில் நடித்துள்ளார். இன்னும் சிம்பு, ஐஸ்வர்யா ராஜேஷ், அதிதிராவ் ஹைத்ரி ஆகியோர்களின் கேரக்டர்கள் குறித்த அறிவிப்பு வெகுவிரைவில் வெளியாகவுள்ளது என்பது குறிப்பிடத்தக்கது.
அரவிந்தசாமி, சிம்பு, விஜய்சேதுபதி, அருண்விஜய், ஜோதிகா, ஐஸ்வர்யா ராஜேஷ், அதிதிராவ் ஹைத்ரி, பிரகாஷ்ராஜ், ஜெயசுதா, மன்சூர் அலிகான் உள்பட பலர் நடித்துள்ள இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைத்துள்ளார். இந்த படத்திற்கு சந்தோஷ் சிவன் ஒளிப்பதிவு செய்துள்ளார்.