'மதயானைக்கூட்டம்' பட இயக்குனர் விக்ரம் சுகுமாறன் இயக்கும் அடுத்த படமான 'இராவண கோட்டம்' என்ற படத்தின் நாயகனாக கே.பாக்யராஜின் மகன் சாந்தனு நடிக்கவுள்ளார் என்பதையும் இந்த படத்திற்கு தளபதி விஜய் வாழ்த்து தெரிவித்தார் என்பதையும் ஏற்கனவே பார்த்தோம்

இந்த நிலையில் இந்த படத்தின் ஆரம்பகட்ட பணிகள் தொடங்கிவிட்ட நிலையில் தற்போது இசையமைப்பாளர் அறிவிக்கப்பட்டுள்ளார். இளம் இசையமைப்பாளர் ஜஸ்டின் பிரபாகரன் இந்த படத்திற்கு இசையமைக்கவுள்ளதாகவும் இந்த படத்திற்காக அவர் ஏற்கனவே மூன்று சூப்பரான டியூன்கள் கம்போஸ் செய்துவிட்டதாகவும் சாந்தனு தனது சமூக வலைத்தளத்தில் குறிப்பிட்டுள்ளார். ஜஸ்டின் பிரபாகரன் ஏற்கனவே 'பண்ணையாரும் பத்மினியும்', 'ஆரஞ்சு மிட்டாய்', 'ஒருநாள் கூத்து, 'உள்குத்து' உள்பட ஒருசில படங்களுக்கு இசையமைத்துள்ளார். மேலும் தற்போது இவர் தமிழ், தெலுங்கு என மொத்தம் ஏழு படங்களுக்கு இசையமைத்து பிசியான இசையமைப்பாளராக உள்ளார்.

கண்ணன் ரவி தயாரிக்கும் 'இராவண கோட்டம்' படத்தின் படப்பிடிப்பு விரைவில் தொடங்கவுள்ளது