இந்த கொரோனா விடுமுறை நேரத்தில் திரையுலக பிரபலங்கள் இடையே வீட்டு வேலைகளை செய்து பெண்களுக்கு உதவும் #BetheREALMAN என்ற சேலஞ்ச் பரவி வருகிறது என்பதும், இதன்படி பிரபல தெலுங்கு திரைப்பட இயக்குனர் சந்தீப் ரெட்டியின் சேலஞ்சை ஏற்று கொண்ட பிரமாண்ட இயக்குனர் எஸ்.எஸ்.ராஜமெளலி தன்னுடைய வீட்டை சுத்தம் செய்யும் வீடியோ ஒன்றை வெளியிட்டுள்ளார் என்பதையும் ஏற்கனவே பார்த்தோம்

இந்த நிலையில் இயக்குனர் எஸ்.எஸ்.ராஜமெளலி, இந்த டாஸ்க்கை தனது ‘ஆர்.ஆர்.ஆர்.’ படத்தின் நாயகர்களான ஜூனியர் என்.டி.ஆர் மற்றும் ராம்சரண் தேஜா ஆகியோர்களுக்கு ஃபார்வேர்டு செய்தார். இந்த சேலஞ்சை ஏற்று கொண்ட ஜூனியர் என்.டி.ஆர் இன்று வெளியிட்டுள்ள வீடியோ ஒன்றில் வீடு சுத்தம் செய்வது, பாத்திரங்கள் துடைப்பது, தோட்டம் சுத்தம் செய்வது ஆகியவை குறித்த வீடியோவை வெளியிட்டுள்ளார்.

மேலும் இந்த சேலஞ்சை சீனியர் தெலுங்கு நடிகர்களான சிரஞ்சீவி, நாகார்ஜூனா, வெங்கடேஷ் மற்றும் இயக்குனர் கொரட்டலா சிவா ஆகியோர்களுக்கு ஜுனியர் என்.டி.ஆர், ஃபார்வேர்ட் செய்துள்ளார். ஜூனியர் என்.டி.ஆரின் இந்த வீடியோவுக்கு லைக்ஸ்கள் குவிந்து வருகிறது என்பது குறிப்பிடத்தக்கது,
 

Here it is Jakkana @ssrajamouli .

మన ఇంట్లో ప్రేమలు ఆప్యాయతలే కాదు. పనులను కూడా పంచుకుందాం. It is fun when you share the work load. #BetheREALMAN

I now nominate Bala Babai, @KChiruTweets Garu, @iamnagarjuna Babai, @VenkyMama Garu and @sivakoratala Garu for this challenge. pic.twitter.com/FqydRiR6Jl

— Jr NTR (@tarak9999) April 21, 2020