'விவேகம்' படத்தை பின்தொடரும் விஜய்சேதுபதி படம்
- IndiaGlitz, [Wednesday,October 11 2017]
விஜய்சேதுபதியின் புதிய படமான 'ஜூங்கா' திரைப்படம் தற்போது வெளிநாட்டில் விறுவிறுப்பான படப்பிடிப்பில் உள்ளது. 'வனமகன்' சாயிஷா நாயகியாக நடித்து வரும் இந்த படத்தை 'இதற்குத்தானா ஆசைப்பட்டாய் பாலகுமாரா' பட இயக்குனர் கோகுல் இயக்கி வருகிறார்
இந்த நிலையில் இந்த படத்தின் முதல்கட்ட படப்பிடிப்பு பாரீஸ் நகரில் முடிவடைந்த நிலையில் அடுத்தகட்ட படப்பிடிப்பிற்காக படக்குழுவினர் பல்கேரியா, ஆஸ்திரியா செல்லவுள்ளனர். இந்த இரு நாடுகளிலும் மூன்று பாடல்களை இயற்கை எழில் கொஞ்சும் பகுதிகளில் நடன இயக்குனர் ராஜூ சுந்தரம் நடன இயக்கத்தில் படமாக்கப்படவுள்ளதாக படக்குழுவினர் தெரிவித்துள்ளனர். இதே பல்கேரியா மற்றும் ஆஸ்திரியாவில் தான் அஜித்தின் 'விவேகம்' படத்தின் பெரும்பாலான காட்சிகள் படமாக்கப்பட்டது என்பது குறிப்பிடத்தக்கது.
வெளிநாட்டு படப்பிடிப்புகளை முடித்துவிட்டு 'ஜூங்கா' படக்குழுவினர் வரும் நவம்பர் 4ஆம் தெதி நாடு திரும்பவுள்ளதாக கூறப்படுகிறது. சமீபத்தில் வெளியான இந்த படத்தின் விஜய்சேதுபதி ஸ்டில்கள் படத்தின் எதிர்பார்ப்பை எகிர வைத்துள்ளது என்பது குறிப்பிடத்தக்கது.