விஜய்சேதுபதியின் 'ஜூங்கா': ரூ.3 கோடியை தாண்டிய சென்னை வசூல்
- IndiaGlitz, [Monday,August 06 2018]
விஜய்சேதுபதி, சாயிஷா நடிப்பில் கோகுல் இயக்கிய 'ஜூங்கா' திரைப்படம் கடந்த மாதம் 27ஆம் தேதி வெளியாகி சமூக வலைத்தளங்கள் மற்றும் ரசிகர்களிடையே நல்ல வரவேற்பை பெற்று வசூலையும் வாரிக்குவித்து வருகிறது.
முதல் வாரமே நல்ல வசூலை பெற்ற இந்த படம் கடந்த வாரயிறுதி நாட்களில் சென்னையில் 17 திரையரங்குகளில் 172 காட்சிகள் திரையிடப்பட்டு ரூ.58,21,712 வசூல் செய்துள்ளது. மேலும் இரண்டாவது வாரத்திலும் தியேட்டர்களில் 85% ரசிகர்கள் இருந்ததே இந்த படத்தின் வெற்றியை உறுதி செய்துள்ளது.
மேலும் இந்த படம் வெளியான ஜூலை 27 முதல் ஆகஸ்ட் 5 வரையிலான வசூல் ரூ.3 கோடியை சென்னையில் மட்டும் தாண்டியுள்ளது. அதாவது சென்னையில் மட்டும் ரூ.3,07,02,086 வசூல் செய்து விநியோகிஸ்தர்கள் மற்றும் திரையரங்கு உரிமையாளர்களுக்கு திருப்தியை கொடுத்துள்ளது.