ஜூலை 22: ஒரே நாளில் இணையும் ரஜினி-விஜய்-தாணு
- IndiaGlitz, [Tuesday,July 12 2016]
சூப்பர் ஸ்டார் ரஜினிகாந்த் நடித்த 'கபாலி' திரைப்படம் நேற்று சென்சார் செய்யப்பட்டு 'யூ' சர்டிபிகேட் கிடைத்தது என்பதை பார்த்தோம். சென்சார் சான்றிதழ் கிடைத்ததும் இந்த படத்தின் ரிலீஸ் தேதி ஜூலை 22 என தயாரிப்பாளர் கலைப்புலி எஸ்.தாணு அதிகாரபூர்வமாக அறிவித்தார்.
இந்நிலையில் இதே ஜூலை 22ஆம் தேதிதான் இளையதளபதி விஜய் நடித்த 'தெறி' படத்தின் 100வது நாள் என்பது குறிப்பிடத்தக்கது. கடந்த ஏப்ரல் 14ஆம் தேதி வெளியான 'தெறி' பிளாக்பஸ்டர் ஹிட் ஆகி தொடர்ச்சியாக சென்னை உள்பட ஒருசில நகரங்களில் இன்னும் திரையரங்குகளில் ஓடி வருகிறது. இந்த படம் ஜூலை 22ஆம் தேதி 100வது நாள் என்ற மைல்கல்லை எட்டவுள்ளது.
ஜூலை 22ஆம் தேதி உலகம் முழுவதும் பிரமாண்டமாக ரிலீஸ் ஆகவுள்ள 'கபாலி' படத்தையும், அதே 22ஆம் தேதி 100வது நாள் விழாவை வெற்றிகரமாக கொண்டாடவுள்ள 'தெறி' படத்தையும் தயாரித்தவர் கலைப்புலி எஸ்.தாணு என்பது குறிப்பிடத்தக்கது.