ஜல்லிக்கட்டு மற்றும் பிக்பாஸ் மூலம் பிரபலம் அடைந்த ஜூலி, ஏற்கனவே அனிதாவின் வாழ்க்கை வரலாறு படத்தில் நடித்து வருகிறார் என்பது தெரிந்ததே.

இந்த நிலையில் அவர் நடித்து கொண்டிருக்கும் இன்னொரு படம் 'அம்மன் தாயே. இந்த படத்தில் ஜூலி அம்மனாக நடிக்கின்றார். மகேஷ்வரன் மற்றும் சந்திரஹாசன் இரட்டையர்கள் இயக்கும் இந்த படத்தின் படப்பிடிப்புகள் விறுவிறுப்பாக நடைபெற்று வருகிறது.

கிறிஸ்துவ பெண்ணான ஜூலி, அம்மன் வேடத்தை ஏற்க முதலில் தயங்கியதாகவும் பின்னர் இயக்குனர்கள் கொடுத்த நம்பிக்கையில் இந்த படத்தில் நடிக்க ஒப்புக்கொண்டதாகவும் கூறியுள்ள ஜூலி, இந்த படத்தில் அம்மனாக நடிக்கும் காட்சிகளின் படப்பிடிப்பின்போது உண்மையிலேயே விரதம் இருப்பதாகவும் கூறியுள்ளார்.

மேலும் அம்மன் குறித்து தனது இந்து தோழிகளிடம் கேட்டு தெரிந்து கொள்வதாகவும், கிறிஸ்துவராக இருந்தாலும் இந்த படத்தில் தன்னுடைய 100% ஈடுபாட்டை வெளிப்படுத்தவுள்ளதாகவும் ஜூலி கூறியுள்ளார்.

அதிக பொருட்செலவில் கிராபிக்ஸ் காட்சிகளுடன் இந்த படம் உருவாகி வருகிறது என்பது குறிப்பிடத்தக்கது.