స్టేజ్‌ పైనే బాబాయ్కు డబ్బులిచ్చిన జూనియర్!
- IndiaGlitz, [Sunday,January 20 2019]
టైటిల్ చూడగానే బాబాయ్కు జూనియర్ డబ్బులివ్వడమేంటి..? అసలేం జరిగింది..? అప్పుడెప్పుడో 'ఎన్టీఆర్ బయోపిక్' ఫంక్షన్‌లో కలుసుకున్నారంతేగా.. ఇంత వరకూ ఆ ఇద్దరూ స్టేజ్‌ పంచుకోలేదే? ఇంతకీ ఈ కొత్త బాబాయ్ ఎవరు..? స్టేజ్‌‌పైనే డబ్బులెందుకిచ్చారు..? అని సందేహాలొస్తున్నాయ్ కదూ.. వీటన్నింటికీ సమాధానాలు కావాలంటే కాసేపు ‘మిస్టర్ మజ్ను’ ఆడియో ప్రీ రిలీజ్ ఫంక్షన్‌‌కు వెళ్లాల్సిందే మరి.
అవును.. నిజమే యంగ్ టైగర్ ఎన్టీఆర్‌‌కు నందమూరి బాలయ్యే కాదు.. మరో కొత్త బాబాయ్ ఈ మధ్య వచ్చేశారండోయ్. ఆ బాబాయ్ ఎవరో కాదు.. అక్కినేని నాగార్జునే. అఖిల్‌ అక్కినేని హీరోగా శ్రీవెంకటేశ్వర సినీ చిత్ర ఎల్‌ఎల్‌పి పతాకంపై 'తొలిప్రేమ' ఫేం వెంకీ అట్లూరి దర్శకత్వంలో భారీ నిర్మాత బి.వి.ఎస్‌.ఎన్‌.ప్రసాద్‌ నిర్మిస్తున్న యూత్‌పుల్‌ ఎంటర్‌టైనర్‌ 'మిస్టర్ మజ్ను'. శనివారం ఈ సినిమా ప్రీ రిలీజ్ ఫంక్షన్‌ హైదరాబాద్‌లో అంగరంగ వైభవంగా జరిగింది. ఈ కార్యక్రమానికి యంగ్ టైగర్ ఎన్టీఆర్ ముఖ్య అతిథిగా విచ్చేసి ట్రైలర్‌ను విడుదల చేసి అక్కినేని ఫ్యామిలీ, బివిఎస్‌ఎన్‌.ప్రసాద్‌, డైరెక్టర్ వెంకీ అట్లూరి గురించి ఆసక్తికర విషయాలు వెల్లడించారు.
నాగ్ను బాబాయ్ అని పిలిస్తే..
తాను నాగార్జునను బాబాయ్ అని పిలిస్తే.. ఆయన నన్ను అబ్బాయ్‌ అని పిలుస్తుంటారని చెప్పుకొచ్చారు. ఈ వేడుకకు గెస్ట్‌లా కాకుండా ఓ కుటుంబ సభ్యుడిలా వచ్చానంతే. ఇక్కడ కేవలం బాబాయ్, చైతు, అఖిలే కాకుండా సినిమాకు పనిచేసిన చాలా మంది తనకుచాలా కావాల్సిన వాళ్లంటూ జూనియర్ చెప్పుకొచ్చారు. అయితే తాను నాగ్ను అంటానన్న విషయం యంగ్ టైగర్ ఇంతవరకూ ఎక్కడా చెప్పిందే లేదు. ఫస్ట్ టైం ఈ వేదికపైనే ఆసక్తికర విషయాన్ని చెప్పారాయన.
నాగ్‌‌కు డబ్బులిచ్చిన జూనియర్!
ప్రసంగం అనంతరం తారక్.. సినిమా తొలి టికెట్‌‌‌ను కొన్నారు జూనియర్. టికెట్ తీసుకుంటుండా ఏంటి డబ్బులు ఇవ్వవా అని నాగ్ (నవ్వుతూ) అడగ్గా జూనియర్ నవ్వుతూ తన జేబులోంచి రెండు వేల రూపాయిల నోటును తీసి ఇచ్చారు. ఆ డబ్బును ఫంక్షన్‌‌ను వచ్చిన అభిమానులు, సినీ ప్రియులకు చూపించిన నాగ్ జేబులో పెట్టుకున్నారు. ఇదీ ఆ డబ్బుల కథ. ఇలా స్టేజ్‌‌పై టికెట్ కొంటుండగా సభకు వచ్చిన అభిమానులు జై నాగ్.. జై జూనియర్ అంటూ నినాదాలతో హోరెత్తించారు.