ஒரு டெட் பாடியுடன் நான்கு லேடிகள்: பிரபு தேவாவின் 'ஜாலி ஓ ஜிம்கானா' டிரைலர்..!
- IndiaGlitz, [Thursday,September 05 2024]
பிரபுதேவா முக்கிய வேடத்தில் நடித்த ’ஜாலி ஓ ஜிம்கானா’ என்ற திரைப்படம் விரைவில் வெளியாக இருக்கும் நிலையில் இந்த படத்தின் டிரைலர் சற்றுமுன் இணையத்தில் வெளியாகி வைரல் ஆகி வருகிறது.
பிரபுதேவா இந்த படத்தில் பெரும்பாலான காட்சிகளில் பிணமாக நடித்திருக்கும் நிலையில் அந்த பிணம் நான்கு லேடிகளுடன் சிக்கிய நிலையில் என்ன நடக்கிறது என்பதுதான் இந்த படத்தின் கதை என டிரைலரில் இருந்து தெரிய வருகிறது.
முழுக்க முழுக்க காமெடி கதை அம்சம் கொண்ட இந்த படம் நிச்சயம் ரசிகர்களுக்கு பிடிக்கும் என்று படம் முழுவதும் ஜாலியாக சிரித்துக்கொண்டே பார்க்கும் வகையில் இருக்கும் என்றும் தெரிய வருகிறது.
சக்தி சிதம்பரம் இயக்கத்தில் உருவாகிய இந்த படத்தில் பிரபுதேவா, மடோனா செபாஸ்டியன், அபிராமி, யோகி பாபு, எம் எஸ் பாஸ்கர் உள்பட பலர் நடித்துள்ளனர். அஸ்வின் விநாயகமூர்த்தி இசையில் உருவாகிய இந்த படம் விரைவில் திரையரங்குகளில் வெளியாக இருக்கும் நிலையில் நிச்சயம் இந்த படம் பிரபுதேவாவின் திரை உலக வாழ்வில் ஒரு திருப்புமுனையாக இருக்கும் என்று எதிர்பார்க்கப்படுகிறது.