'ஜோக்கர்' குருசோமந்தரம் நடித்த அடுத்த படத்தின் ரிலீஸ் தேதி
- IndiaGlitz, [Wednesday,July 25 2018]
இயக்குனர் ராஜூமுருகன் இயக்கத்தில் குருசோமசுந்தரம் நடித்த 'ஜோக்கர்' திரைப்படம் மிகப்பெரிய வெற்றி பெற்றது என்பதும் இந்த படம் தேசிய விருதினையும் பெற்றது என்பதும் தெரிந்ததே. இந்த நிலையில் குருசோமசுந்தரம் தற்போது ஜதின் மற்றும் நிஷாந்த் ஆகியோரின் இயக்கத்தில் விஜய் மூலன் அவர்களின் தயாரிப்பில் உருவாகி வரும் ஓடு ராஜா ஓடு என்ற காமெடி திரில்லர் படத்தில் நடித்து முடித்துள்ளார்.
இந்த படம் வரும் ஆகஸ்ட் மாதம் 17ஆம் தேதி உலகம் முழுவதும் வெளியாக உள்ளது. இந்த படத்தில் முக்கிய வேடத்தில் நாசர் நடித்துள்ளார். மேலும் இந்த படத்தில் லட்சுமி பிரியா, ஆனந்த் சாமி, ஆஷிகா சால்வன், வினோத், ரவீந்திர விஜய், வெங்கடேஷ் ஹரிநாதன், கே.எஸ்.அபிஷேக், பவர் ஸ்டார் ஸ்ரீனிவாசன் மற்றும் தீபக் பாகா உள்பட பலர் நடித்துள்ளனர்.
தோஷ் நந்தா இசையமைத்துள்ள இந்த படம் 'ஜோக்கர்' போன்றே வெற்றியும் விருதும் பெறும் என்று எதிர்பார்க்கப்படுகிறது.