ജോജു ജോർജിൻ്റെ 'ഇരട്ട' പുതുവർഷത്തിൽ
- IndiaGlitz, [Thursday,December 29 2022]
നായാട്ടിനു ശേഷം മാർട്ടിൻ പ്രക്കാട്ട് - ജോജു ജോർജ് ടീം ഒരുമിക്കുന്ന 'ഇരട്ട' പുതുവർഷ സമ്മാനമായി പ്രേക്ഷകരിലേക്കെത്തും. അപ്പു പാത്തു പ്രൊഡക്ഷൻ ഹൗസും മാർട്ടിൻ പ്രക്കാട്ട് ഫിലിംസും ചേർന്നൊരുക്കുന്ന ചിത്രം രോഹിത് എം ജി കൃഷ്ണനാണ് സംവിധാനം ചെയുന്നത്. നിരവധി ഹ്രസ്വ ചിത്രങ്ങൾക്ക് അവാർഡുകൾ കരസ്ഥമാക്കിയിട്ടുള്ള സംവിധായാകനാണദ്ദേഹം. കഴിഞ്ഞ ദിവസം നടന്ന ഫിലിം ക്രിട്ടിക്സ് അവാർഡിലും മികച്ച സംവിധായകനുള്ള അവാർഡ് നായാട്ടിൻ്റെ സംവിധായകർ മാർട്ടിൻ പ്രക്കാട്ടിനായിരുന്നു.
ഹിറ്റ്‌ ഗാനങ്ങൾ മലയാളി പ്രേക്ഷകർക്ക് സമ്മാനിച്ച ജേക്സ് ബിജോയാണ് ഇരട്ടയിലെ സംഗീത സംവിധാനം നിർവഹിക്കുന്നത്. മനു ആന്റണി ആണ് ചിത്രത്തിൻ്റെ എഡിറ്റർ. അഞ്ജലി, സ്രിന്ധ, ആര്യാ സലിം, ശ്രീകാന്ത് മുരളി, സാബുമോൻ,അഭിരാം എന്നിവർ ഇരട്ടയിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. ജോസഫ്, പൊറിഞ്ചു മറിയം ജോസ്, മധുരം, നായാട്ട് തുടങ്ങി ചിത്രങ്ങളിലെ കഥാപാത്രങ്ങളെ പോലെതന്നെ പ്രേക്ഷകർ ഇരുകയ്യും നീട്ടി സ്വീകരിക്കുന്നതായിരിക്കും ജോജു ജോർജിൻ്റെ ഇരട്ടയിലെ കഥാപാത്രം എന്നാണ് ചിത്രത്തിൻ്റെ അണിയറപ്രവർത്തകർ പറയുന്നത്.