டிரம்ப்பை கொலை செய்ய வேண்டிய நேரம் வந்துவிட்டது. ஜானி டெப்
- IndiaGlitz, [Friday,June 23 2017]
சமீபத்தில் உலகம் முழுவதும் வெளிவந்து சக்கை போடு போட்ட ஹாலிவுட் படம் 'பைரேட்ஸ் ஆப் தி கரீபியன்'. இந்த படத்தின் நாயகன் ஜானி டெப் அவர்கள் கிளாஸ்டன்பரி என்ற திருவிழாவில் கலந்து கொண்டார். இந்த விழாவில் அவர் 'ஒரு அதிபரை ஒரு நடிகர் கொலை செய்து நீண்ட காலம் ஆகிவிட்டது. மீண்டும் ஒருமுறை அதிபரை கொலை செய்யும் நேரம் வந்துவிட்டது' என்று பேசினார். இந்த பேச்சினால் பரபரப்பு ஏற்பட்டுள்ளது.
கடந்த 1865ஆம் ஆண்டு அன்றைய அமெரிக்க அதிபர் ஆப்ரகாம் லிங்கனை ஜான் வில்க்ஸ் பூத் என்ற நடிகர் கொலை செய்தார். அதேபோல் தற்போது அமெரிக்க அதிபராக இருந்து வரும் டொனால்ட் டிரம்பை பெரும்பாலான ஹாலிவுட் நடிகர்கள் எதிர்த்து வருகின்றனர். சமீபத்தில் நடந்த ஆஸ்கார் விழாவில் கூட டிரம்ப் நடிகர்களால் கிண்டலடிக்கப்பட்டார்.
இந்த நிலையில் அதிபர் டிரம்பை கொலை செய்ய வேண்டும் என்ற தொனியில் ஜான் டெப் பேசியதை அந்த விழாவில் கலந்து கொண்ட பெரும்பாலானோர் ரசித்தனர் என்பது குறிப்பிடத்தக்கது.