அமிதாப், அபிஷேக்கை அடுத்து ஐஸ்வர்யாராய்க்கும் வாழ்த்து கூறிய ஹாலிவுட் பிரபலம்
- IndiaGlitz, [Sunday,July 19 2020]
பாலிவுட் சூப்பர் ஸ்டார் அமிதாப்பச்சன், அவரது மகன் அபிஷேக்பச்சன், மருமகள் ஐஸ்வர்யா ராய் மற்றும் பேத்தி ஆராதித்யா ஆகிய நால்வரும் கொரோனா வைரஸால் பாதிக்கப்பட்டனர் என்பதும், முதலில் அமிதாப், அபிஷேக் மட்டும் மும்பையில் உள்ள தனியார் மருத்துவமனையில் சிகிச்சை பெற்று வந்த நிலையில் நேற்று ஐஸ்வர்யாராய் மற்றும் ஆராதித்யா ஆகிய இருவரும் மருத்துவமனையில் அனுமதிக்கப்பட்டனர் என்பதும் குறிப்பிடத்தக்கது.
இந்த நிலையில் அமிதாப்பச்சனும் அவருடைய குடும்பத்தினரும் விரைவில் குணமடைந்து வீடு திரும்ப வேண்டும் என கோடிக்கணக்கான ரசிகர்களும் இந்திய திரையுலகினர்களும் பிரார்த்தனை செய்தும், வாழ்த்து தெரிவித்தும் வருகின்றனர்.
அந்த வகையில் சமீபத்தில் பிரபல ஹாலிவுட் நடிகரும் WWE விளையாட்டு வீரருமான ஜான்சேனா தனது இன்ஸ்டாகிராம் பக்கத்தில் அமிதாப் மற்றும் அபிஷேக் ஆகிய இருவரும் புகைப்படங்களையும் பதிவு செய்து இருவரும் விரைவில் குணமடைய வாழ்த்து தெரிவித்தார் என்பது குறித்து ஏற்கனவே பார்த்தோம்.
இந்த நிலையில் நேற்று ஐஸ்வர்யாராயும் மருத்துவமனையில் அனுமதிக்கப்பட்டுள்ள நிலையில் அவருடைய புகைப்படத்தையும் தனது இன்ஸ்டாகிராம் பக்கத்தில் பதிவு செய்துள்ள ஜான்சேனா, அவரும் விரைவில் குணமாக வாழ்த்து தெரிவித்துள்ளார். அமிதாப் குடும்பத்தினர் மீது ஜான்சேனா எந்த அளவு மரியாதை வைத்துள்ளார் என்பதை இந்த பதிவுகள் காண்பிப்பதாக ரசிகர்கள் குறிப்பிட்டு வருகின்றனர்.
View this post on InstagramA post shared by John Cena (@johncena) on Jul 18, 2020 at 5:53am PDT