கடந்த பிப்ரவரி மாதம் வெளியான அய்யப்பனும் கோஷியும்’ என்ற மலையாளத் திரைப்படம் உலகம் முழுவதும் சூப்பர் ஹிட் ஆனது என்பது தெரிந்ததே. பிரிதிவிராஜ் மற்றும் பிஜூ மேனன் நடித்திருந்த இந்த திரைப்படத்தின் பட்ஜெட் வெறும் 5 கோடி தான். ஆனால் உலகம் முழுவதும் இந்த திரைப்படம் 50 கோடிக்கும் மேல் வசூல் செய்தது என்பது குறிப்பிடதக்கது.

இதையடுத்து இந்த படத்தை பல்வேறு மொழிகளில் ரீமேக் செய்ய போட்டா போட்டி நடந்தது என்பதும் தமிழில் இந்த படத்தின் ரீமேக்கில் சசிகுமார் மற்றும் ஆர்யா நடிக்க இருப்பதாகவும் செய்திகள் வெளியானது.

இந்த நிலையில் இந்த படத்தின் இந்தி ரீமேக் உரிமையை பிரபல ஹிந்தி நடிகர் ஜான் ஆபிரகாம் பெற்றுள்ளதாக செய்திகள் வெளிவந்துள்ளது. இந்த படத்தின் ஹிந்தி ரீமேக்கில் அவரே ஒரு முக்கிய கேரக்டரில் நடிப்பார் என்றும் இன்னொரு முக்கிய கேரக்டரில் பிரபல பாலிவுட் நடிகரிடம் பேச்சுவார்த்தை நடைபெற்று வருவதாகவும் செய்திகள் வெளிவந்துள்ளது. இதனை அடுத்து இந்த படத்தின் மற்ற மொழி ரீமேக் குறித்த பேச்சுவார்த்தைகள் நடைபெற்று வருவதாகவும் அடுத்தடுத்து அதன் செய்திகள் வெளியாகும் என்றும் கூறப்படுகிறது.