ரசிகர்களுக்கு அதிர்ச்சியை ஏற்படுத்திய ஜிமிக்கி கம்மல் ஷெரில்
- IndiaGlitz, [Wednesday,April 11 2018]
கடந்த சில மாதங்களுக்கு முன்னர் ஜிமிக்கி கம்மல் என்ற ஒரே பாடலின் மூலம் சமூக வலைத்தளங்களில் இந்தியா முழுவதும் டிரெண்ட் ஆனவர் ஷெரில். கல்லூரி பேராசிரியரான இவர் 'ஜிமிக்கி கம்மல்' பாடலுக்கு ஆடிய நடனம் இளைஞர்களின் தூக்கத்தை கெடுத்தது.
இந்த நிலையில் ஷெரிலுக்கு மலையாள திரையுலகில் இருந்து மட்டுமின்றி தென்னிந்தியாவில் உள்ள முன்னணி இயக்குனர்களிடம் இருந்து நடிக்க வாய்ப்பு வந்தது. விஜய்யின் அடுத்த படத்தில், சூர்யாவின் அடுத்த படத்தில் ஷெரில் நடிப்பார் என்றும் கூறப்பட்டது.
ஆனால் இந்த செய்திகளை பொய்யாகி இளைஞர்களுக்கு அதிர்ச்சி தகவல் ஒன்றை கொடுத்துள்ளார் ஷெரில். அதுதான் அவருடைய திருமண செய்தி. ஷெரிலுக்கும் ப்ரஃபுல் டாமி என்பவருக்கும் சமீபத்தில் நிச்சயதார்த்தம் முடிந்துவிட்டதாகவும் விரைவில் திருமணம் நடைபெறவிருப்பதாகவும் செய்திகள் வெளிவந்துள்ளது. இந்த செய்தியை ஷெரிலும் தனது சமூக வலைத்தளத்தில் உறுதி செய்துள்ளார். இதனால் ஷெரிலின் ரசிகர்கள் பெரும் வருத்தத்தில் உள்ளனர்.