கோலிவுட் திரையுலகில் வளர்ந்து வரும் இளம் நடிகர்களில் ஒருவரான சித்தார்த், தனது சொந்த நிறுவனமான எடாகி எண்டர்டெயின்மெண்ட் (Etaki Entertainment) என்ற நிறுவனத்தின் மூலம் 'ஜில் ஜங் ஜக்' என்ற படத்தை தயாரித்து நடித்து வருகிறார்.

சித்தார்த், சனாந்த் ரெட்டி, நாசர், ராதாரவி, ஆர்ஜே பாலாஜி உள்பட பலர் நடித்துள்ள இந்த படத்தை தீரத் வைத்தி இயக்கியுள்ளார். இவர் கார்த்திக் சுப்புராஜிடம் உதவி இயக்குனராக இருந்தவர் என்பது குறிப்பிடத்தக்கது. இந்த படத்தின் படப்பிடிப்பு முடிவடைந்து போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வரும் நிலையில் இந்த படத்தின் ரிலீஸ் தேதி அதிகாரபூர்வமாக அறிவிக்கப்பட்டுள்ளது.

இந்த படத்தின் தயாரிப்பாளரான சித்தார்த் தன்னுடைய சமூக வலைத்தள பக்கத்தில் 'ஜில் ஜங் ஜக்' படம் டிசம்பர் 25ஆம் தேதி கிறிஸ்துமஸ் திருநாளில் தெறிக்க வைக்கும் வகையில் ரிலீஸ் ஆகும் என அறிவித்துள்ளார்.