ஜீவாவுக்கு ஜோடியாகும் அர்ஜூன் ரெட்டி நாயகி
- IndiaGlitz, [Tuesday,December 26 2017]
ஜீவா நடித்த 'கலகலப்பு 2' படத்தின் டீசர் சமீபத்தில் வெளியாகி நல்ல வரவேற்பை பெற்ற நிலையில் அவர் தற்போது 'கீ' என்ற படத்தில் நடித்து வருகிறார். இந்த படத்தில் நிக்கிகல்ராணி அவருக்கு ஜோடியாக நடிக்கின்றார்
இந்த நிலையில் தற்போது அவர் இயக்குனர் டான் சாண்டி இயக்கவுள்ள புதிய படத்தில் நடிக்க ஒப்பந்தம் செய்யப்பட்டுள்ளார். ஏற்கனவே 'மகாபலிபுரம்' என்ற படத்தை இயக்கிய டான் சாண்டி, இந்த படத்தை காமெடி மற்றும் த்ரில் கொண்ட படமாக இயக்கவுள்ளார்
இந்த நிலையில் இந்த படத்தில் ஜீவாவுக்கு ஜோடியாக நடிக்க 'அர்ஜூன் ரெட்டி' நாயகி ஷாலினி பாண்டே ஒப்பந்தமாகியுள்ளார். ஏற்கனவே இவர் ஜி.வி.பிரகாஷ் நடிக்கும் '100% காதல்' மற்றும் சாவித்ரியின் வாழ்க்கை வரலாறு திரைப்படமான 'நடிகையர் திலகம்' ஆகிய படங்களில் நடித்து வருகிறார் என்பது குறிப்பிடத்தக்கது.
'விக்ரம் வேதா' புகழ் சாம் சி.எஸ் இசையமைக்கும் இந்த படத்திற்கு ரூபன் படத்தொகுப்பு செய்யவுள்ளார். விஜயராகவேந்திரா தயாரிக்கும் இந்த படத்தின் முக்கிய வேடங்களில் ஆர்ஜே பாலாஜி மற்றும் யோகிபாபு ஆகியோர் நடிக்கவுள்ளனர் என்பது குறிப்பிடத்தக்கது.