ஜீவாவின் 'போக்கிரி ராஜா' சென்சார் தகவல்கள்
- IndiaGlitz, [Thursday,February 25 2016]
கடந்த ஆண்டு ஜீவா நடித்த திரைப்படம் எதுவும் வெளியாகவில்லை எனினும் இந்த ஆண்டு அவர் நடித்த போக்கிரிராஜா, திருநாள் மற்றும் கவலை வேண்டாம் ஆகிய மூன்று திரைப்படங்கள் வெளியாக வாய்ப்பு உள்ளது.
இந்நிலையில் வரும் மார்ச் மாதம் 4ஆம் தேதி ஜீவாவின் 'போக்கிரி ராஜா' வெளியாகும் என எதிர்பார்க்கப்படுகிறது. இந்நிலையில் இந்த படம் இன்று சென்சாருக்கு சென்றது. சென்சார் அதிகாரிகள் இந்த படத்திற்கு க்ளீன் 'யூ' சர்டிபிகேட் அளித்துள்ளனர்.
ஜீவாவுடன் ஹன்சிகா, சிபிராஜ் நடித்துள்ள இந்த படம் ஜீவாவுக்கு 25வது படம் என்பது குறிப்பிடத்தக்கது. காமெடிக்கு முக்கியத்துவம் கொடுத்து உருவாக்கப்பட்டுள்ள இந்த படத்தை ராம்பிரகாஷ் ராயப்பா இயக்கியுள்ளார். டி.இமான் இந்த படத்திற்கு இசையமைத்துள்ளார். இந்த படம் வெளியாகும் அதே மார்ச் 4-ஆம் தேதி விஜய் ஆண்டனியின் பிச்சைக்காரன், ஸ்ரீகாந்தின் செளகார்பேட்டை ஆகிய படங்களும் ரிலீஸ் ஆகும் என எதிர்பார்க்கப்படுகிறது.