முதல்முறையாக தமிழ் படத்தில் உயிருள்ள சிம்பன்ஸி குரங்கு
- IndiaGlitz, [Friday,December 29 2017]
நடிகர் ஜீவா நடிக்கும் அடுத்த படத்திற்கு 'கொரில்லா' என்ற டைட்டில் வைக்கப்பட்டுள்ளதாகவும் இந்த படத்தில் அர்ஜூன் ரெட்டி நாயகி ஷாலினி பாண்டே நாயகியாக நடிக்கவுள்ளார் என்றும் வெளிவந்த செய்தியினை ஏற்கனவே பார்த்தோம்
இந்த நிலையில் இந்த படத்தில் உயிருள்ள நிஜ சிம்பன்ஸி குரங்கை பயன்படுத்த படக்குழுவினர் முடிவு செய்துள்ளனர். இதற்காக 'Planet Of The Apes' படத்தில் நடித்த சிம்பன்ஸி குரங்கு போன்று தாய்லாந்தில் உள்ள விலங்குகளுக்கு பயிற்சி அளிக்கும் ஒரு அமைப்பில் இருந்து நிஜ உயிருள்ள சிம்பன்ஸி வரவழைக்கப்படுகிறது.
இந்த படத்தின் கதை சிம்பன்ஸி குரங்கை சுற்றி வருவதால் குழந்தைகள் மற்றும் ஃபேமிலி ஆடியன்ஸ்களுக்கு நிஜ சிம்பன்ஸியை காட்ட வேண்டும் என்ற அக்கறையில் இந்த முயற்சி எடுக்கப்பட்டுள்ளதாக இந்த படத்தின் இயக்குனர் டான்சாண்டி கூறியுள்ளார். 'காங்' என்ற பெயரை கொண்ட இந்த சிம்பன்ஸி குரங்கு தமிழ் ரசிகர்களுக்கு நிச்சயம் வித்தியாசமான விருந்தை அளிக்கவுள்ளது என்பது குறிப்பிடத்தக்கது.