தேசிய விருது பெற்ற பட இயக்குனரின் அடுத்த படத்தில் ஜீவா
- IndiaGlitz, [Friday,February 16 2018]
கடந்த 2016ஆம் ஆண்டு பிரபல பத்திரிகையாளர் ராஜூமுருகன் இயக்கிய 'ஜோக்கர்' திரைப்படம் மிகப்பெரிய வரவேற்பை பெற்றது மட்டுமின்றி சிறந்த தமிழ்ப்படம் என்ற தேசிய விருதையும் பெற்றது. இந்த நிலையில் ராஜுமுருகன் இயக்கவுள்ள அடுத்த படத்தின் டைட்டில் மற்றும் ஹீரோ அறிவிக்கப்பட்டுள்ளது.
ராஜூமுருகனின் அடுத்த படத்தின் டைட்டில் 'ஜிப்சி' என்றும் இந்த படத்தில் ஹீரோவாக ஜீவா நடிக்கவுள்ளதாகவும் அறிவிக்கப்பட்டுள்ளது. இந்த படத்தின் பூஜை இன்று சென்னையில் நடைபெற்றது. இந்த பூஜையில் பா.ரஞ்சித், எச்.வினோத், எஸ்.ஆர்.பிரபு உள்பட பல திரையுலக பிரபலங்கள் கலந்து கொண்டனர்
சந்தோஷ் நாராயணன் இசையில், செல்வகுமார் ஒளிப்பதிவில் ரெய்மண்ட் டெர்ரிக் படத்தொகுப்பில் உருவாகவுள்ள இந்த படத்திற்கு சி.எஸ்.பாலசந்தர் கலை இயக்குனராக பணியாற்றவுள்ளார். ஒலிம்பியா மூவீஸ் நிறுவனம் தயாரிக்கவுள்ள இந்த படத்தில் நடிக்கும் மற்ற நட்சத்திரங்கள் குறித்த அறிவிப்பு மிக விரைவில் வெளியாகவுள்ளது.