சூர்யாவின் படத்தை பார்க்க விரும்பிய தென்னாப்பிரிக்க முன்னாள் கிரிக்கெட் வீரர் ஜான்டி ரோட்ஸ்க்கு, சூர்யா கூறிய பதில் தற்போது இணையதளங்களில் வைரலாக வருகிறது.

சூர்யாவின் 2டி என்டர்டெயின்மென்ட் நிறுவனத்தின் தயாரிப்பில் விஜயகுமார், அருண் விஜய் மற்றும் அர்னவ் விஜய் ஆகிய குடும்பத்தை சேர்ந்த மூன்று தலைமுறை நடிகர்கள் நடித்த திரைப்படம் ‘ஓ மை டாக்’. இந்த திரைப்படம் இன்று ஓடிடியில் ரிலீஸாக உள்ளது .

இந்த நிலையில் இந்த படத்தை ஒரு விலங்குகள் நல ஆர்வலராக பார்க்க மிகுந்த ஆர்வத்துடன் இருக்கிறேன் என்று முன்னாள் தென்னாபிரிக்க வீரரும் தற்போதைய பஞ்சாப் அணியின் பயிற்சியாளருமான ஜாண்டி ரோட்ஸ் தனது சமூக வலைத்தளத்தில் தெரிவித்துள்ளார் .

இதற்கு பதிலளித்த நடிகர் சூர்யா, ‘மிகவும் நன்றி! நான் உங்களுடைய மிகப்பெரிய ரசிகன். கண்டிப்பாக இந்த படம் உங்கள் மகளுக்கும் பிடிக்கும் என்று நினைக்கிறேன்’ என்று கூறியுள்ளார். ஜாண்டிரோட்ஸ் மற்றும் சூர்யாவின் பதிவுகள் தற்போது இணையதளங்களில் வைரலாக வருகின்றன.

Thanks a lot!! Big fan ❤️ @JontyRhodes8 I’m sure your daughter #IndiaRhodes will like it too!! https://t.co/s5KAkCGrGE

— Suriya Sivakumar (@Suriya_offl) April 21, 2022