மறைந்த நடிகை ஸ்ரீதேவியின் மகள் ஜான்வி கபூர் ஒரு திரைப்படத்திற்காக இரண்டு வருடங்கள் பயிற்சி மற்றும் தோள்பட்டையில் வலி ஆகியவற்றை அனுபவித்ததாக கூறிய வீடியோ இணையத்தில் வைரல் ஆகி வருகிறது.

பிரபல நடிகை ஸ்ரீதேவியின் மகள் ஜான்வி கபூர், பாலிவுட் திரையுலகின் முன்னணி நடிகை என்பதும் கடந்த ஆறு ஆண்டுகளில் அவர் நடித்த பெரும்பாலான படங்கள் ஹிட் ஆகி வருகின்றன என்பதும் குறிப்பிடத்தக்கது

இந்நிலையில் தற்போது அவர் ’மிஸ்டர் அண்ட் மிஸஸ் மஹி’ என்ற கிரிக்கெட் விளையாட்டு சம்பந்தமான திரைப்படத்தில் நடித்துள்ள நிலையில் இந்த படத்தில் அவர் கிரிக்கெட் வீராங்கனை மஹி என்ற மஹிமா கேரக்டரில் நடித்துள்ளார்.

இந்த கேரக்டரில் இயல்பாக நடிக்க வேண்டும் என்பதற்காக அவர் கடந்த இரண்டு ஆண்டுகளாக கிரிக்கெட் பயிற்சி செய்ததாகவும் அப்போது அவருக்கு தோள்பட்டை வலி உட்பட பல்வேறு சவால்கள் ஏற்பட்ட நிலையில் அவர் அதையெல்லாம் மீறி சிறப்பாக பயிற்சி கொண்டு அதன் பிறகு இந்த படத்தில் நடித்ததாகவும் குறிப்பிட்டுள்ளார்.

மேலும் இது குறித்த வீடியோவை அவர் பதிவு செய்துள்ள நிலையில் அந்த வீடியோ வைரலாகி வருகிறது. ஒரு திரைப்படத்திற்காக இரண்டு ஆண்டுகள் பயிற்சி எடுத்து கிரிக்கெட் விளையாட்டை பழகி நடித்த ஜான்வி கபூருக்கு பாராட்டுக்கள் குவிந்து வருகிறது.

ராஜ்குமார் ராவ், ஜான்வி கபூர், ராஜேஷ் சர்மா உள்ளிட்ட பலர் நடிப்பில் உருவாகிய இந்த படம் மே 31ஆம் தேதி திரையரங்குகளில் வெளியாக உள்ளது என்பதும் இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது என்பது குறிப்பிடத்தக்கது.