జీవితా రాజశేఖర్ కార్తీక వనభోజనాలు.... 'మా' కు మాత్రమే ఆహ్వానం
- IndiaGlitz, [Sunday,November 24 2019]
జీవితా రాజశేఖర్ దంపతులు కార్తీక వనభోజనాలకు ఆహ్వానిస్తున్నారు. మూవీ ఆర్టిస్ట్ అసోసియేషన్ సభ్యుల మధ్య నెలకొన్న దూరాన్ని తగ్గించి... అనుబంధాలను పెంచేందుకు స్వాగతం పలుకుతున్నారు.
మాలోని దాదాపు 400 మంది సభ్యులు ఈ కార్తీక వనభోజనాలకు హాజరుకానున్నట్లు తెలిపారు జీవిత. గతంలో మెగాస్టార్ చిరంజీవి మా తరపున ఇలాంటి కార్యక్రమం ఏర్పాటు చేసినా.. ప్రస్తుతం నెలకొన్న పరిస్థితుల్లో మా తరపున కాకుండా పర్సనల్ గా ఈ కార్యక్రమాన్ని చేపట్టారు జీవితా రాజశేఖర్ దంపతులు.
వచ్చే అతిథులకు ఎలాంటి లోటు రాకుండా హైదరాబాద్ లోని ఫీనిక్స్ లో ఘనంగా ఏర్పాట్లు కూడా మొదలెట్టేశారు. ముఖ్యంగా లైవ్ మ్యూజిక్, స్కిట్స్, గేమ్స్ లాంటివి ప్లాన్ చేశారట. ఉదయం 10 గం.ల నుంచి మ. 3 గం. వరకు జరిగే కార్యక్రమం పూర్తిగా ఆనందోత్పాహాల మధ్య జరిగేలా జాగ్రత్తలు తీసుకుంటున్నారట.