ஜெயம் ரவி-விஜய் படத்தில் சென்னையின் பிரபல தொழிலதிபர்
- IndiaGlitz, [Monday,November 07 2016]
இயக்குனர் விஜய் இயக்கிய 'தேவி' திரைப்படம் மூன்று மொழிகளிலும் வெற்றி பெற்றுள்ள நிலையில் அவர் இயக்கவுள்ள அடுத்த படத்தில் ஜெயம் ரவி நடிக்கவுள்ளார் என்பது ஏற்கனவே தெரிந்ததே.
'குமரி கண்டம்' என்ற டைட்டில் வைக்கப்பட்டுள்ளதாக கூறப்படும் இந்த படத்தில் ஜெயம் ரவியுடன் சாயிஷா சேகல், வருண், தம்பிராமையா உள்ளிட்டோர் நடிக்கவுள்ள நிலையில் இந்த படத்தின் மெயின் வில்லனாக சென்னையை சேர்ந்த பிரபல தொழிலதிபர் சாம் பால் (Sam Paul) நடிக்கவுள்ளார். சென்னையில் பல தொழில்களை வெற்றிகரமாக நடத்தி வாடிக்கையாளர்களின் ஹீரோவாக திகழும் இவர் முதன்முதலாக திரையில் வில்லனாக மிரட்டவுள்ளார் என்பது குறிப்பிடத்தக்கது.
ஹாரீஸ் ஜெயராஜ் இசையில் திரு ஒளிப்பதிவில், அந்தோணி படத்தொகுப்பில் உருவாகவுள்ள இந்த படத்தை இயக்குனர் விஜய்யின் தந்தை ஏ.எல்.அழகப்பன் தயாரிக்கின்றார்.