క‌మెడియ‌న్ ట‌ర్న‌డ్ హీరో శ్రీనివాస‌రెడ్డి న‌టించిన తాజా చిత్రం జ‌య‌మ్ము నిశ్చ‌య‌మ్మురా. ఈ చిత్రంలో శ్రీనివాస‌రెడ్డి, పూర్ణ జంట‌గా న‌టించారు. ఈ చిత్రాన్ని శివ‌రాజ్ ఫిల్మ్స్ బ్యాన‌ర్ పై శివ‌రాజ్ క‌నుమూరి స్వీయ నిర్మాణంలో తెర‌కెక్కిస్తున్నారు. స‌మైక్యంగా న‌వ్వుకుందాం అనే ట్యాగ్ లైన్, దేశ‌వాళి ఎంట‌ర్ టైన్మెంట్ అనే నినాదంతో ఈ చిత్రం ప్రేక్ష‌కుల ముందుకు వ‌చ్చేందుకు రెడీ అవుతుంది. బ్లాక్ బ‌ష్ట‌ర్ డైరెక్ట‌ర్ కొర‌టాల శివ చేతుల మీదుగా ఈ మూవీ థియేట్రిక‌ల్ ట్రైల‌ర్ రిలీజ్ చేసారు. ఈ ట్రైల‌ర్ ప్రారంభంలో 2013లో తెలుగు ప్ర‌జ‌లంతా ఒక రాష్ట్రంగా ఉన్న‌ప్పుడు అంటూ అస‌లు విష‌యం చెప్పేసారు.

క‌రీంన‌గ‌ర్ కుర్రాడు (శ్రీనివాస‌రెడ్డి) క‌ష్ట‌ప‌డి ఉద్యోగం సంపాదిస్తే కాకినాడ‌లో పోస్టింగ్ వ‌స్తుంది. కాకినాడ‌లో ఉద్యోగంలో చేరిన మొద‌టిరోజే క‌రీంన‌గ‌ర్ కి ట్రాన్సప‌ర్ చేయించుకోవాలంటే ఏం చేయాలి అని ఆలోచించ‌డం, ఆఫీస్ లో అడ‌గ‌డం మొద‌లెడ‌తాడు. ఇలాంటి ప‌రిస్థితులో హీరోయిన్ క‌న‌ప‌డ‌డం...అక్క‌డ నుంచి ఆ అమ్మాయి కోసం ప్ర‌య‌త్నాలు...ఆ అమ్మాయి వేరే వ్య‌క్తితో చ‌నువుగా ఉంటే చూసి త‌ట్టుకోలేక‌పోవ‌డం...ఇలా జ‌య‌మ్ము నిశ్చ‌య‌మ్ము క‌థ ఏమిటి అనేది ఈ ట్రైల‌ర్ ద్వారా క్లియ‌ర్ గా చెప్పేసారు. కృష్ణ‌భ‌గ‌వాన్, ప్ర‌వీణ్, పోసాని ల కామెడీ ఆడియోన్స్ కి బాగానే క‌నెక్ట్ అయ్యేలా అనిపిస్తుంది. మొత్తానికి శ్రీనివాస‌రెడ్డి - పూర్ణ‌ల జంట విజ‌యం సాధించేలాగే క‌నిపిస్తుంది.