இந்திய திரையுலகில் இதுவரை யாரும் தொடாத சப்ஜெக்ட்
- IndiaGlitz, [Wednesday,March 09 2016]
சக்தி செளந்திரராஜன் இயக்கத்தில் ஜெயம் ரவி, லட்சுமிமேனன் நடிப்பில் சமீபத்தில் வெளிவந்த ஜோம்பி திரைப்படமான 'மிருதன்' திரைப்படம் நல்ல வசூல் பெற்றதோடு ரசிகர்கள் மற்றும் ஊடகங்களின் பாசிட்டிவ் விமர்சனங்களையும் பெற்றது. இந்த வெற்றியை அடுத்து இயக்குனர் சக்தி செளந்திரராஜனும், ஜெயம் ரவியும் மீண்டும் இணையவுள்ளதாக வெளிவந்த செய்தியை ஏற்கனவே பார்த்தோம்.
சக்தி செளந்திரராஜனின் 'நாய்கள் ஜாக்கிரதை' மற்றும் 'மிருதன்' ஆகிய இரண்டு படங்களுமே தமிழ் சினிமாவுக்கு கிடைத்த வித்தியாசமான திரைக்கதையை தந்துள்ள நிலையில் அவருடைய அடுத்த படமும் இதுவரை இந்திய திரையுலகில் யாரும் தொடாத சப்ஜெக்ட் என்று கூறப்படுகிறது. இந்த படத்தின் ஒன்லைன் கதையை வெகுவிரைவில் சக்திசெளந்திரராஜன் அறிவிப்பார் என்றும் அப்போது அனைவரும் இந்த உண்மையை புரிந்துகொள்வார்கள் என்ரும் தகவல்கள் கூறுகின்றன.
கெனன்யா பிலிம்ஸ் நிறுவனம் தயாரிக்கும் இந்த படம் விரைவில் தொடங்கப்படவுள்ளது.