ஜெயம் ரவி, த்ரிஷா நடிப்பில் உருவாகிய 'பூலோகம்' திரைப்படம் முடிந்து பல மாதங்கள் ஆகியும் ஒருசில பிரச்சனைகள் காரணமாக ரிலீஸ் ஆகாமல் இருந்தது. இந்நிலையில் தற்போது இந்த படத்திற்கு நல்ல நேரம் வந்துள்ளது.

'பூலோகம்' திரைப்படம் வரும் 24ஆம் தேதி ரிலீஸ் ஆகவுள்ளதாகவும், இந்த படத்தின் டிரைலர் நாளை மாலை 6 மணிக்கு ரிலீஸாகும் என்றும் கூறப்படுகிறது.

'தனி ஒருவன்' படத்திற்கு பின்னர் ஜெயம் ரவியின் படங்களுக்கு பெரும் எதிர்பார்ப்பு ஏற்பட்டுள்ளதால் இந்த படம் தற்போது ரிலீஸ் செய்யப்படுகிறது. மேலும் த்ரிஷாவின் மார்க்கெட்டும் தற்போது உச்சத்தில் உள்ளது என்பது குறிப்பிடத்தக்கது.

ஜெயம்ரவி, த்ரிஷாவுடன் பிரகாஷ்ராஜ், நாதன் ஜோன்ஸ், பொன்வண்ணன் உள்பட பலர் நடித்துள்ள இந்த படத்தை கல்யாணகிருஷ்ணன் இயக்கியுள்ளார். ஸ்ரீகாந்த் தேவா இசையமைத்துள்ள இந்த படத்தை ஆஸ்கார் பிலிம்ஸ் நிறுவனம் தயாரித்துள்ளது.