ஜெயம் ரவியின் அடுத்த பட டைட்டில் அறிவிப்பு தேதி மற்றும் நேரம்
- IndiaGlitz, [Wednesday,August 31 2016]
கோலிவுட் திரையுலகில் இளையதலைமுறை நடிகர்களில் முன்னணி நடிகர்களில் ஒருவராகிய ஜெயம் ரவி, தற்போது 'போகன்' படத்தின் படப்பிடிப்பில் பிசியாக உள்ளார். அரவிந்தசாமி முக்கிய வேடத்தில் நடிக்கும் இந்த படத்தின் படப்பிடிப்பு விரைவில் நிறைவடையவுள்ள நிலையில் ஜெயம் ரவி நடிக்கவுள்ள அடுத்த படத்தின் படப்பிடிப்பு மிக விரைவில் தொடங்கவுள்ளது.
ஜெயம் ரவியின் அடுத்த படத்தை 'நாய்கள் ஜாக்கிரதை' இயக்குனர் சக்தி செளந்திரராஜன் இயக்கவுள்ளார். இந்த படத்தின் நடிக்கும் நடிகர், நடிகையர் மற்றும் டெக்னீஷியன்கள் தேர்வு நடைபெற்று வரும் இந்த படத்தின் டைட்டில் குறித்த தகவல் தற்போது வெளிவந்துள்ளது.
இந்த படத்திற்கு அட்டகாசமான டைட்டிலை படக்குழுவினர் தேர்வு செய்திருப்பதாகவும், இந்த டைட்டில் வரும் செப்டம்பர் 2ஆம் தேதி மாலை 6 மணிக்கு அறிவிக்கவுள்ளதாகவும் செய்திகள் வெளிவந்துள்ளது. இந்த தகவலை ஜெயம் ரவி தனது சமூக வலைத்தளத்தில் உறுதி செய்துள்ளார்.
நேமிசந்த் ஜெபக் நிறுவனம் தயாரிக்கவுள்ள இந்த படத்திற்கு டி.இமான் இசையமைக்கின்றார் என்பது குறிப்பிடத்தக்கது.