இருட்டை விரட்டுவதற்கு சூரியன் தேவையில்லை.. ஒரே ஒரு தீக்குச்சி போதும்: ஜெயம் ரவியின் அடுத்த பட அறிவிப்பு..!
- IndiaGlitz, [Saturday,October 12 2024]
நடிகர் ஜெயம் ரவி, தற்போது ஜெனி, பிரதர்”, ’காதலிக்க நேரமில்லை ஆகிய படங்களில் நடித்துள்ள நிலையில், அவர் நடிக்க இருக்கும் அடுத்த திரைப்படம் குறித்த அறிவிப்பு, வீடியோவுடன் வெளியாகி, இணையத்தில் வைரல் ஆகி வருகிறது.
’இருட்டை விரட்டுவதற்கு சூரியன் தேவையில்லை, ஒரே ஒரு தீக்குச்சி போதும் என்ற வசனத்துடன் ஆரம்பிக்கும் இந்த வீடியோ, ஒரு நிமிடத்திற்கு மேல் உள்ளது.
பி.டி.ஜி யுனிவர்சல் என்ற தயாரிப்பு நிறுவனம், ஜெயம் ரவியின் அடுத்த இரண்டு படங்களை தயாரிக்க இருப்பதாக கூறப்படுகிறது. இந்நிறுவனம், ஏற்கனவே தமிழில் ரெட்டை தல மற்றும் சென்னை சிட்டி கேங்ஸ்டர் ஆகிய படங்களை தயாரித்து வருகிறது என்பது குறிப்பிடத்தக்கது.
பி.டி.ஜி யுனிவர்சல் தயாரிப்பில் ஜெயம் ரவி நடிப்பில் உருவாக இருக்கும் ஒரு படத்தையும், ரெமோ மற்றும் சுல்தான் படங்களை இயக்கிய பாக்கியராஜ் கண்ணன் இயக்க இருப்பதாகவும், இன்னொரு படத்தை ஷங்கரின் உதவியாளர் அருள் சக்தி முருகன் இயக்க இருப்பதாகவும் கூறப்படுகிறது.
Glad to collabore with @BTGUniversal 👍🏼 https://t.co/5peOCgAr6A
— Jayam Ravi (@actor_jayamravi) October 12, 2024