மிருதன்' படத்திற்கு ஏற்பட்ட திடீர் மாற்றம்
- IndiaGlitz, [Friday,February 12 2016]
இயக்குனர் சக்தி செளந்திரராஜன் இயக்கத்தில் ஜெயம் ரவி நடித்த 'மிருதன்' திரைப்படம் சமீபத்தில் சென்சார் செய்யப்பட்டு அந்த படத்திற்கு 'ஏ' சர்டிபிகேட் கிடைத்தது என்பதை ஏற்கனவே பார்த்தோம்.
சென்சார் அதிகாரிகள் கொடுத்த 'ஏ' சர்டிபிகேட்டை ஏற்காத படக்குழுவினர் இந்த படத்தை ரிவைசிங் கமிட்டிக்கு அனுப்பினர் தற்போது இந்த படம் ரிவைசிங் கமிட்டியினர்களால் 'UA' சர்டிபிகேட் பெற்றுள்ளது. இதனால் பெற்றோர் துணையுடன் குழந்தைகளும் இந்த படத்தை பார்க்க அனுமதிக்கப்படுவர் என்பது குறிப்பிடத்தக்கது. இதனால் படக்குழுவினர் மகிழ்ச்சி அடைந்துள்ளனர்.
வரும் 19ஆம் தேதி பிரமாண்டமாக ரிலீஸ் ஆகவுள்ள 'மிருதன்' திரைப்படத்தில் முதல்முறையாக ஜெயம் ரவியுடன் லட்சுமிமேனன் ஜோடி சேர்ந்துள்ளார். ரொமான்ஸ் காட்சிகள் இந்த படத்தில் குறைவாக இருந்தாலும் இந்த ஜோடியின் கெமிஸ்ட்ரி நன்றாக வந்துள்ளதாக படக்குழுவினர் தெரிவித்துள்ளனர். டி.இமான் இசையில் ஏற்கனவே பாடல்கள் ஹிட்டான நிலையில் இந்த படம் பெரும் எதிர்பார்ப்பை ஏற்படுத்தியுள்ளது என்பது குறிப்பிடத்தக்கது.