தமிழ் திரையுலகின் முன்னணி நடிகர்களில் ஒருவரான ஜெயம் ரவி நடிக்க இருக்கும் அடுத்த திரைப்படம் குறித்த மோஷன் போஸ்டர் வெளியாகி உள்ள நிலையில் இந்த படத்தின் டைட்டில், நாயகி மற்றும் இயக்குனர் குறித்த அதிகாரப்பூர்வ அறிவிப்பு வெளியாகியுள்ளது.

ஜெயம் ரவி நடிப்பில் ஹோம் மூவி மேக்கர்ஸ் நிறுவனத்தின் தயாரிப்பில் உருவாக உள்ள திரைப்படத்தின் மோஷன் போஸ்டர் சற்றுமுன் இணையதளங்களில் வெளியாகி வைரலாகி வருகிறது.

ஜெயம் ரவி ஜோடியாக கீர்த்தி சுரேஷ் நடிக்கும் இந்தப் படத்தை ஆண்டனி பாக்யராஜ் இயக்க உள்ளார். ஜி வி பிரகாஷ் இசையில் செல்வகுமார் ஒளிப்பதிவு படத்தொகுப்பில் உருவாகும் இந்த படத்தை சுஜாதா விஜயகுமார் தயாரிக்க உள்ளார் என்பது குறிப்பிடத்தக்கது. ‘சைரன்’ என்று டைட்டில் வைக்கப்பட்டுள்ள இந்த படத்தின் மோஷன் போஸ்டர் தற்போது இணையதளங்களில் வைரலாகி வருகிறது.

ஜெயம்ரவி ஏற்கனவே எம் ராஜேஷ் இயக்கத்தில் உருவாகி வரும் படத்தில் நடித்து வருகிறார் என்பதும் இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பது குறிப்பிடத்தக்கது.