ஜெயம் ரவியின் 'டிக் டிக் டிக்' ரிலீஸ் தேதி
- IndiaGlitz, [Saturday,May 05 2018]
கோலிவுட் திரையுலகின் வேலைநிறுத்தம் முடிவுக்கு வந்து ஒவ்வொரு வாரமும் தயாரிப்பாளர் சங்கத்தின் திரைப்பட வெளியீட்டு குழுவின் அனுமதி பெற்று மூன்று படங்கள் ரிலீஸ் ஆகி வருவது தெரிந்ததே.
அந்த வகையில் ரிலீசுக்கு தயாராகி நீண்ட நாளாக காத்திருக்கும் படங்களில் ஒன்று ஜெயம் ரவியின் 'டிக் டிக் டிக்'. இந்த படத்தின் ரிலீஸ் தேதி ஏற்கனவே ஓரிரண்டு முறை அறிவிக்கப்பட்டு பின்னர் ஒத்திவைக்கப்பட்டிருந்த நிலையில் தற்போது புதிய ரிலீஸ் தேதி அறிவிக்கப்பட்டுள்ளது.
இந்த படம் வரும் ஜூன் மாதம் 22ஆம் தேதி ரிலீஸாகவுள்ளது. இந்த தகவலை உறுதிசெய்யும் வகையில் ரிலீஸ் தேதியுடன் கூடிய புதிய போஸ்டர் சற்றுமுன் வெளியாகியுள்ளது.
ஜெயம் ரவி, ஆரோஜ் ஆசிஜ், நிவேதா பேதுராஜ், ரமேஷ் திலகன், வின்செண்ட் அசோகன், ஜெயப்ரகாஷ் உள்பட பலர் நடித்துள்ள இந்த படத்தை ஷக்தி செளந்திரராஜன் இயக்கியுள்ளார். இவர் ஏற்கனவே நாய்கள் ஜாக்கிரதை, மிருதன் ஆகிய படங்களை இயக்கியவர் என்பது குறிப்பிடத்தக்கது.
டி.இமான் இசையமைத்துள்ள இந்த படத்திற்கு வெங்கடேஷ் ஒளிப்பதிவும், ப்ரதீப் ராகவ் படத்தொகுப்பும் செய்துள்ளனர். இந்தியாவின் முதல் ஸ்பேஸ் சம்பந்தப்பட்ட கதையம்சம் கொண்ட இந்த படம் மிகப்பெரிய எதிர்பார்ப்பை ஏற்படுத்தியுள்ள படங்களில் ஒன்று ஆகும்