தப்பை தட்டி கேட்க தில் இருந்தா போதும்.. ஜெயம் ரவியின் 'பிரதமர்' டிரைலர்..!
- IndiaGlitz, [Tuesday,October 29 2024]
ஜெயம் ரவி நடிப்பில் ராஜேஷ் எம் இயக்கத்தில் உருவாகியுள்ள பிரதர் என்ற திரைப்படம் வரும் தீபாவளி அன்று திரைக்கு வெளியாக இருக்கிறது. இந்த படத்தின் ட்ரைலர் இணையத்தில் வெளியாகி வைரல் ஆகி வருகிறது.
ஒரு குடும்பத்தில் உள்ள இளைஞன் படிப்பையும் முடிக்காமல், வேலைக்கு செல்லாமல் இருக்கும் நிலையில், அந்த குடும்பத்தின் நபர்களால் எந்த அளவுக்கு அவமதிக்கப்படுகிறார் என்பதே இந்த படத்தின் கதை. அதையும் மீறி அந்த இளைஞன் எப்படி தன்னுடைய வாழ்வில் முன்னேறுகிறான் என்பதுதான் ட்ரைலரில் தெரிய வருகிறது.
ஜெயம் ரவியின் கேரக்டரில் வேலை இல்லாமல் சுற்றும் இளைஞர், ரொமான்ஸ் செய்பவர், அப்பாவிடம் திட்டு வாங்குபவர், அக்கா மற்றும் மாமாவால் அவமதிக்கப்படுபவர் என அவரது கேரக்டர் இதுவரை இல்லாத அளவுக்கு வித்தியாசமாக உருவாக்கப்பட்டுள்ளது என்பதும் ட்ரைலரில் தெரிய வருகிறது.
மொத்தத்தில், ஜெயம் ரவிக்கு இந்த படம் மேலும் ஒரு வெற்றி படமாக அமையும் என்று எதிர்பார்க்கப்படுகிறது. ஜெயம் ரவி ஜோடியாக பிரியங்கா மோகன் நடித்துள்ள இந்த படத்தில், பூமிகா, விடிவி கணேஷ், நடராஜ், சரண்யா பொன்வண்ணன், எம்.எஸ் பாஸ்கர், சீதா, சுரேஷ் சக்கரவர்த்தி உள்ளிட்ட பலர் நடித்துள்ளனர்.
ராஜேஷ் எம் இயக்கத்தில், ஹாரிஸ் ஜெயராஜ் இசையில், விவேகானந்தன் சந்தோஷ் ஒளிப்பதிவில், ஆசிஷ் ஜோசப் படத்தொகுப்பில் உருவாக்கிய இந்த படம், நிச்சயம் தீபாவளி விருந்தாக குடும்பங்கள் கொண்டாடும் படமாக இருக்கும் என எதிர்பார்க்கப்படுகிறது.