நடிகர் ஜெயம் ரவி நடிக்க இருக்கும் 34-வது படம் குறித்த அதிகாரபூர்வ அறிவிப்பு வெளியாகி உள்ளதை அடுத்து, இது குறித்த போஸ்டர் இணையத்தில் வைரல் ஆகி வருகிறது.

தமிழ் திரை உலகின் முன்னணி நடிகர்களில் ஒருவரான ஜெயம் ரவி, தற்போது 'பிரதர்', 'ஜெனி', 'காதலிக்க நேரமில்லை' ஆகிய மூன்று படங்களில் நடித்து வருகிறார். இதில் 'பிரதர்' திரைப்படம் வரும் தீபாவளி அன்று வெளியாக உள்ளது என்பது குறிப்பிடத்தக்கது.

இந்த நிலையில், ஜெயம் ரவியின் 34-வது திரைப்படத்தை கணேஷ் பாபு என்ற இயக்குனர் இயக்க இருப்பதாக அறிவிக்கப்பட்டுள்ளது. இவர் ஏற்கனவே கவின் நடித்த 'டாடா' என்ற திரைப்படத்தை இயக்கி இருந்தார் என்பதும், அந்த படம் நல்ல வரவேற்பு பெற்றது என்பதும் குறிப்பிடத்தக்கது.

இந்நிலையில், ஜெயம் ரவி மற்றும் கணேஷ் பாபு இணையும் படத்தின் போஸ்டர் இன்று வெளியாகி, இணையத்தில் வைரல் ஆகி வருகிறது. இந்த போஸ்டரை ஜெயம் ரவி தனது சமூக வலை தளத்தில் பதிவு செய்துள்ளார். அந்த போஸ்டர் தற்போது இணையத்தில் வைரல் ஆகி வருகிறது.

இந்த படத்தை ஸ்கிரீன் சீன் என்ற நிறுவனம் தயாரிக்க உள்ளது. இந்த படத்தின் படப்பிடிப்பு விரைவில் தொடங்க இருப்பதாகவும், படத்தில் நடிக்கும் நடிகர்கள் மற்றும் தொழில்நுட்ப கலைஞர்கள் குறித்து அறிவிப்பு விரைவில் வெளியாகும் என்றும் கூறப்படுகிறது. மேலும், இந்த படத்தின் இசையமைப்பாளர் ஹாரிஸ் ஜெயராஜ் என்று போஸ்டரில் அறிவிக்கப்பட்டுள்ளது.

#JR34 💥 pic.twitter.com/pt41NYp9mz

— Jayam Ravi (@actor_jayamravi) October 5, 2024