ஜெயம் ரவியின் அடுத்த படம் குறித்த அதிகாரபூர்வ அறிவிப்பு!
- IndiaGlitz, [Friday,January 01 2021]
தமிழ் திரை உலகின் இளையதலைமுறை நடிகர்களில் ஒருவரான ஜெயம் ரவி நடிப்பில் உருவான ’பூமி’ திரைப்படம் வரும் பொங்கல் தினத்தில் ஓடிடி பிளாட்பாரத்தில் வெளியாக உள்ளது என்பதும் இந்த படத்தின் புரமோஷன் பணிகள் தற்போது விறுவிறுப்பாக நடைபெற்று வருகிறது என்பதும் குறிப்பிடத்தக்கது. சமீபத்தில்கூட பிக்பாஸ் வீட்டிற்கு ’பூமி’ திரைப்படத்தின் புரமோஷனுக்காக ஜெயம் ரவி சென்றார் என்பது குறிப்பிடத்தக்கது
இந்த நிலையில் ’பூமி’ படத்தை அடுத்து அவர் மணிரத்னம் இயக்கிவரும் ’பொன்னியின் செல்வன்’ படத்தில் ராஜராஜசோழன் கேரக்டரில் நடித்து வருகிறார் என்பதும் இந்த படத்தின் அடுத்தகட்ட படப்பிடிப்பு விரைவில் தொடங்க உள்ளது என்பதும் குறிப்பிடத்தக்கது
இந்த நிலையில் தற்போது ஜெயம்ரவி நடிக்கும் அடுத்த படம் குறித்த அதிகாரபூர்வ அறிவிப்பு வெளியாகி உள்ளது. ஜெயம் ரவியின் அடுத்த படத்தை ஸ்கிரீன்சீன் நிறுவனம் தயாரிக்க இருப்பதாகவும் இந்த படத்தை கல்யாண் கிருஷ்ணன் இயக்க இருப்பதாக அறிவிக்கப்பட்டுள்ளது
ஜெயம் ரவியின் 28வது திரைப்படமான இந்த படத்தில் நடிக்கும் மற்ற நடிகர், நடிகைகள் மற்றும் தொழில்நுட்ப கலைஞர்கள் குறித்த விபரங்கள் விரைவில் அறிவிக்கப்படும் என தெரிகிறது. ஜெயம் ரவியின் அடுத்த பட அறிவிப்பு அவரது ரசிகர்களுக்கு ஒரு புத்தாண்டு பரிசாக உள்ளது என்பது குறிப்பிடத்தக்கது
As we celebrate new beginnings, @Screensceneoffl is proud to announce the first step with the very talented genre - bending Star actor @actor_jayamravi with #JR28 directed by Kalyanakrishnan. More updates to follow soon ??????@sidd_rao @nixyyyyyy @onlynikil @CtcMediaboy pic.twitter.com/z8T5ZEIWH0
— Screen Scene (@Screensceneoffl) January 1, 2021