சிங்கத்தின் கர்ஜனைக்கு பின் 'போகன்' வசூல் எப்படி?
- IndiaGlitz, [Monday,February 13 2017]
சூர்யாவின் 'சி3' திரைப்படம் கடந்த 9ஆம் தேதி உலகம் முழுவதும் பெருவாரியான திரையரங்கில் வெளியாகி நல்ல வசூலை பெற்று கொண்டிருக்கும் நிலையில் கடந்த 2ஆம் தேதி வெளியான ஜெயம் ரவியின் 'போகன்' வசூல் எந்தவிதத்திலும் பாதிப்பு இன்றி வெற்றிகரமாக தொடர் வசூலை செய்து கொண்டிருக்கின்றது.
பாசிட்டிவ் விமர்சனங்கள் மற்றும் சமூக வலைத்தளங்களில் கிடைத்த ஆதரவு காரணமாக இரண்டாவது வாரமாக பெருவாரியான திரையரங்குகளில் 'போகன்' ஓடிக்கொண்டிருக்கின்றது. இந்த படம் கடந்த வார இறுதியில் சென்னையில் 17 திரையரங்குகளில் 201 காட்சிகள் திரையிடப்பட்டு ரூ.45,62,120 வசூல் செய்துள்ளது. மேலும் திரையரங்குகளில் 85% பார்வையாளர்கள் நிரம்பியிருந்தனர் என்பது குறிப்பிடத்தக்கது. மேலும் கடந்த 2ஆம் தேதியில் இருந்து இந்த படத்தின் மொத்த வசூல் ரு.2,68,72,860 என்பது குறிப்பிடத்தக்கது.
இதேபோல் 'போகன்' வெளியான அதே தேதியில் வெளியான 'எனக்கு வாய்த்த அடிமைகள்' திரைப்படம் கடந்த வார இறுதியில் சென்னையில் ரூ.76,880 வசூல் செய்துள்ளது. இந்த படத்தின் இதுவரையிலான மொத்த சென்னை வசூல் வசூல் ரூ.35,11,750 ஆகும்.