ஜெயம் ரவியின் 'போகன்' டீசர் ரிலீஸ் தேதி அறிவிப்பு
- IndiaGlitz, [Wednesday,November 02 2016]
ஜெயம் ரவி, அரவிந்தசாமி நடித்த 'தனி ஒருவன்' திரைப்படம் கடந்த ஆண்டு வெளியாகி மிகப்பெரிய வெற்றியை பெற்றதை அடுத்து மீண்டும் இதே கூட்டணி நடித்து வரும் 'போகன்' திரைப்படத்தை 'ரோமியோ ஜூலியட்' இயக்குனர் லட்சுமண் இயக்கி வருகிறார். இந்த படத்தின் படப்பிடிப்பு இறுதிக்கட்டத்தை நெருங்கியுள்ள நிலையில் தற்போது இந்த படத்தின் டீசர் ரிலீஸ் தேதி அறிவிக்கப்பட்டுள்ளது.
'போகன்' படத்தின் டீசர் நவம்பர் 4ஆம் தேதி மாலை 5 மணிக்கு வெளியாகவுள்ளது. இந்த தகவலை ஜெயம் ரவி தன்னுடைய சமூக வலைத்தளத்தில் உறுதி செய்துள்ளார்.
ஜெயம் ரவி, அரவிந்தசாமி, ஹன்சிகா, அக்ஷரா கெளடா உள்ளிட்ட பலர் நடித்துள்ள இந்த படத்தை பிரபுதேவாவின் நிறுவனம் தயாரித்துள்ளது. இந்த படத்திற்கு டி.இமான் இசையமைத்து வருகிறார். இந்த படம் வரும் டிசம்பரில் கிறிஸ்துமஸ் விடுமுறையில் வெளியாகவுள்ளது என்பது குறிப்பிடத்தக்கது.